«Ալ Ջազիրա»–ի փոխանցմամբ՝ Ստամբուլում զինված անձինք պատանդ են վերցրել թուրք դատախազ Մեհմեթ Սելիմ Քիրազին։

Հայտնի է, որ վերջինը հետաքննում էր 2013–ին ցույցերի ժամանակ վիրավորված և մահացած 15-ամյա Բերքին Էլմանի գործը: Ընդդիմադիր ցուցարարը 269 օր կոմայի մեջ էր։

Աղբյուրը նշում է, որ Քիրազին պատանդ վերցրած զինված անձինք Թուրքիայի «Հեղափոխական ժողովրդական ազատագրական կուսակցություն-ճակատ» խմբավորման անդամներ են։ Նրանք դատախազին քանիցս սպառնացել են սպանել, եթե երիտասարդին սպանած ոստիկանը չձերբակալվի:

Զինյալները տեղական ժամանակով մինչև 15:35–ը (Երևանի ժամանակով՝ 17:35) ժամանակ են տվել իրենց պահանջները կատարելու համար. հակառակ դեպքում կսպանեն պատանդին:

Ներկայումս դատախազության աշխատակիցները տարհանվում են. շենքը շրջապատված է ոստիկաններով:

7or.am