Այսօր լրանում է աշխարհի խոշորագույն աղետներից` Չեռնոբիլի ատոմակայանի 4-րդ էներգաբլոկի պայթյունի 29-րդ տարելիցը:

1986թ.-ի ապրիլի 26-ին Խորհրդային միության խոշորագույն ատոմակայանի 4-րդ էներգաբլոկում պայթյուն տեղի ունեցավ, ինչի հետևանքով մթնոլորտ արտանետվեց 190 տոննա ռադիոակտիվ նյութ: Ռեակտորի 140 տոննա ռադիոակտիվ վառելիքից 8 տոննան հայտնվեց օդում: Ըստ մասնագիտական եզրակացության՝ աղետի հետևանքները 5 հարյուր անգամ ավելին էին քան 1945թ.-ին Հիրոսիմայի վրա նետված միջուկային ռումբինը։

Աղետից հետո, ավելի քան 115 հազ. մարդ տարհանվեց ատոմակայանին հարող 30 կմ-ոց գոտուց: Վթարից զոհվեց 31 մարդ։ Հետագա 15 տարիների ընթացքում ռադիոկատիվ ճառագայթմանը զոհ դարձավ 60-80 հազար մարդ: 134 հազար մարդ վարակվեց ծանր ճառագայթային հիվանդությամբ։

7or.am