Օգոստոսի 5-ին՝ ժամը 05.28-ին, ՏԿԱԻՆ–ում ահազանգ է ստացվել, որ Սառնակունք-Անգեղակոթ ավտոճանապարհին տեղի է ունեցել ՃՏՊ, կան տուժածներ. անհրաժշետ է փրկարարների օգնությունը:

Դեպքի վայր է մեկնել մեկ մարտական հաշվարկ:

Դեռևս չբացահայտված հանգամանքներում Սիսիան-Երևան ավտոճանապարհի մոտ 19 կմ-ում բախվել են «ԴԱՖ» մակնիշի 598 ԼՏ 61 պետհամարանիշով բեռնատարը (վարորդ Ա. Գ.) և «Օպել վեկտրա» մակնիշի 29 ՍՍ 881 պետհամարանիշով ավտոմեքենաները:

Մինչ հրշեջ-փրկարարների կանչի վայր հասելը՝ «Օպել վեկտրա» մակնիշի ավտոմեքենայի վարորդը և ուղևորը տեղի ուժերով տեղափոխվել են Սիսիան քաղաքի ԲԿ.

Հրշեջ-փրկարարները հոսանքազրկել և գազազրկել են ավտոմեքենաները: