Օգոստոսի 29-ին, ժամը 21.11-ին ՏԿԱԻՆ–ում ահազանգ է ստացվել, որ Երևանի Իսակովի պողոտայում` Ոստիկանական ակադեմիայի մոտակայքում, տեղի է ունեցել ՃՏՊ` Վոլկսվագեն մակնիշի ավտոմեքենան բախվել է սյանը, կան տուժածներ. անհրաժեշտ է փրկարարների օգնությունը:

Դեպքի վայր են մեկնել ՃԿԱԿ ՕԽ-ն, ՀՆՓԱԻԿ փրկարար ջոկատը և մեկ մարտական հաշվարկ:

Պարզվել է, որ, «Wolksvagen Golf 3» մակնիշի 34 MC 466 պ/հ ավտոմեքենան (վարորդ` 1990 թ. ծնված Ա. Ս.) դուրս է եկել ճանապարհի երթևեկելի հատվածից և բախվել էլ.սյանը:

Մինչ հրշեջ-փրկարարների կանչի վայր հասնելը` վարորդ Ա. Մ.-ը տեղի ուժերով դուրս է բերվել ավտոմեքենայից, ով հոսպիտալացման ճանապարհին մահացել է:

Հրշեջ-փրկարարները և փրկարարները ավտոմեքենայից դուրս են բերել ուղևորներ` 1991 թ. ծնված Խ. Մ.-ին, 1990 թ. ծնված Ն. Հ.-ին և 1990 թ. ծնված Գ. Ս.-ին, ովքեր տեղափխվել են «Մալաթիա» ԲԿ:

Գ. Ս.-ը և Խ.Մ.-ը «Նատալի Ֆարմ Մալաթիա» ԲԿ-ից տեղափոխվել է «Արեմնիա» ՀԲԿ, որտեղ Գ. Ս-ը մահացել է:

Բժիշկները Խ. Մ.-ի առողջական վիճակը գնահատել են ծանր, իսկ Ն. Հ.-ի առողջական վիճակը՝ միջին ծանրության:

Հրշեջ-փրկարարները փակել են ավտոմեքենայի գազի բալոնի փականը և անջատել մարտկոցը: