ԵԱՀԿ Մինսկի խմբի ամերիկացի համանախագահ Ջեյմս Ուորլիքը սատարում է ԱՄՆ կոնգրեսականներ Էդ Ռոյսի և Էլիոթ Էնգելի կոչին՝ միջոցներ ձեռնարկել՝ դադարեցնելու ղարաբաղա-ադրբեջանական հակամարտ զորքերի շփման գծում հրադադարի խախտման դեպքերը: Այս մասին հայտնում է «Ասբարեզ»-ը: Նրանք առաջարկում են շփման գծից դիպուկահարներին հետ քաշելու համար հակամարտության կողմերի հետ համաձայնություն ձեռք բերել, շփման գծի երկայնքով տեղադրել լոկատորներ և ձայնային սարքավորումների զարգացած համակարգեր։ Դրանց միջոցով հնարավոր կլինի պարզել, թե կողմերից ով է նախաձեռնում սահմանային լարվածությունը:

«Վստահության հաստատմանն ուղղված քայլերը և հասարակություններին վերաբերող ծրագրերը նվազեցնում են լարվածությունը և երկարատև խաղաղության հաստատման հիմք դնում: Մենք կողմերին հայտնել ենք բոլոր այս նախաձեռնությունների մասին և կշարունակենք կատարել անհրաժեշտ քայլերը, որոնք կարող են հանգեցնել բանակցային կարգավորմանը»,-ասել է Ուորլիքը:

7or.am