Այսօր ՀՀ հանրաքվեի կենտրոնական հանձնաժողովը գումարել է իր առաջին նիստը: Հանրաքվեի կենտրոնական հանձնաժողովի նախագահ Տիգրան Մուկուչյանը նախքան նիստի օրակարգին անցնելը տեղեկացրել է, որ հանրաքվեի կենտրոնական և ընտրատարածքային հանձնաժողովներն են ՀՀ ընտրական օրենսգրքով սահմանված կարգով կազմավորված համապատասխան ընտրական հանձնաժողովները:

Արտահերթ նիստում հանրաքվեի կենտրոնական հանձնաժողովը հաստատել է 2015 թվականի դեկտեմբերի 6-ի՝ ՀՀ Սահմանադրությունում փոփոխությունների հանրաքվեի նախապատրաստման և անցկացման հիմնական միջոցառումների ժամանակացույցը:

Տիգրան Մուկուչյանը հայտարարել է, որ այսօրվանից մեկնարկում է հանրաքվեի քարոզարշավը: Այն իրականացվելու է մինչև դեկտեմբերի 4-ը:

Քարոզարշավի համար անվճար եթերաժամ է տրամադրվելու միայն ԱԺ խմբակցություններին: Հանրաքվեին մասնակցելու իրավունք ունեցող քաղաքացիների ցուցակները կփակցվեն հոկտեմբերի 27-ին:

7or.am