ՌԴ նախագահ Վլադիմիր Պուտինը հայտարարել է, որ Թուրքիան շարունակում է մնալ Ռուսաստանի լավ բարեկամը և առանցքային գործընկերն էներգետիկ ոլորտում: Այս մասին հայտնում է «Gazeta»-ն:

«Երկար տարիներ բարիդրացիական հարաբերություններ ունենք Թուրքիայի հետ, որը մեր առևտրային և տնտեսական խոշոր գործընկերներից է: Թեկուզ միայն շինարարական շուկան վերջին տարիներին միլիարդավոր դոլարների է հասնում: Միայն վերջին տարիներին թուրքական ընկերությունները ՌԴ շինարարության շուկայում 12 մլրդ–ի շահույթ են ստացել»,-ասել է Պուտինը:

Նա նաև հավելել է, որ պետք է կարգավորել ՌԴ և Թուրքիայի հարաբերություններն ահաբեկչության դեմ պայքարում:

«Թուրքիան բազմաթիվ մտահոգություններ ունի՝ կապված քրդական գործոնի հետ: Հասկանում ենք բոլոր այդ մտահոգությունները և պատրաստ ենք հաշվի նստել մեր համատեղ աշխատանքի ընթացքում: Ներկայումս ռազմական գերատեսչությունների մակարդակով շփումներ են ընթանում»,-նշել է ՌԴ նախագահը:

7or.am