Աշոտյանն ասում է, որ իշխանությունն ուզում է վերարտադրվել, ու դա նորմալ է, պնդում է, որ էնպիսի կուսակցություն չկա, որ չուզենա վերարտադրվել: Օրինակ է բերում ԱՄՆ-ին, Ֆրանսիային ու այլ երկրների:

Աշոտյանը երևի տեղյակ չի, որ ՈՉ-ի արգումենտն այն է, որ Սերժ Սարգսյանն է ուզում վերարտադրվի, ու այդ վերարտադրության համար է Սահմանադրություն փոխում: Աշոտյանի հիշատակած ԱՄՆ-ում Ջորջ Վաշինգտոնը երկու ժամկետից հետո հեռացել է ու դա արել է առանց սահմանադրական պահանջի, որովհետև հասկացել է, որ իշխանությունը երկար չի կարելի պահել: Իսկ Սերժ Սարգսյանը լրիվ հակառակն է անում՝ սահմանադրական կարգը փորձում է փոփոխություններով խախտել: Այ ստեղ կարելի է ասել՝ Աշոտյանի ասածը փաստարկի չի դիմանում:

Բացի դրանից, նորմալ է, որ որևիցե կուսակցություն Գերմանիայում, Ֆրանսիայում կամ ԱՄՆ-ում ուզում է պահի իշխանությունը, բայց դրա համար նրանք Սահմանադրություն չեն փոխում, այլ մասնակցում են ազատ և մրցակցային ընտրություններին, ու չեն կեղծում այդ ընտրությունները:

Երբ որ աշոտյանենք ժողովրդին հղում տալով՝ ինչ–որ պնդում են կատարում, հիշում եմ Քադդաֆիի ելույթը ՄԱԿ-ում ժողովրդավարության մասին:

Արմեն Գրիգորյանի ֆեյսբուքյան էջից