Կոռուպցիան, խաշը և կանանց իրավունքները հայ բլոգերների աչքերով

Հայկական բլոգոսֆերան այս օրերին նախատոնական տրամադրությամբ տարեվերջյան իրադարձություններն է ամփոփում։ Հետաքրքիր ամանորյա տոնածառի մասին է գրում Unzipped–ը, Nakedsilence–ը ամանորյա ցուցահանդես վաճառքի մասին է պատմում, իսկ Bnamard–ը վերլուծում է մայրաքաղաքի գլխավոր տոնածառի համար այդ քանակությամբ հատված սոճիների անհրաժեշտությունն այն դեպքում, երբ երկրում ընդամենը 6 տոկոսն է կանաչ տարածք։  «Notes from Hairenik»–ը ֆոտոպատմությամբ գրում է «սեզոնի» համար սովորական՝ խաշի արարողակարգային համտեսի մասին։ «Ֆոտոպատմություն» համատեքստում է նաև 517design–ի գրառումը էքստրիմալ ֆոտոլրագրության մասին։ 

Լրատվամիջոցների բլոգներից «Ա1+»–ի բլոգը քննարկում է ՀՀԿ–ական պատգամավորի այն պնդումը, որ կոռուպցիան երբևէ չի հաղթահարվի, քանի որ այն անհրաժեշտ է հասարակությանը: «Կոռուպցիոն» թեմայով է նաև «Թերթ.am»–ի բլոգերի գրառումը։

«Խորհրդային իշխանության առաջին տասնամյակներին բնորոշ է կոռուպցիայի դեմ կատաղի պայքարը: Բայց հենց խորհրդային իշխանության վերջին 2 տասնամյակների ընթացքում կոռուպցիան աննախադեպ չափերի հասավ: Հայաստանը ամենակոռումպացված հանրապետություններից էր, ծաղկում էր ստվերային շրջանառությունը, չկային ոլորտներ, որտեղ կոռուպցիան այս կամ այն չափով չդրսևորվեր: Դասախոս, բժիշկ, դատավոր, ծառայող… բոլորը խրվում էին կոռուպցիայի մեջ՝ այդ կերպ լուծելով բարեկեցության հասնելու խնդիրը: Իմ առաջին կաշառքը տվել եմ 12 տարեկան հասակում: Հորս դատապարտեցին հաշվապահական փաստաթղթերում 37 ռուբլի սխալի համար: Սկզբից ամաչում էի դրա համար, բայց հետո զարմանալի բան կատարվեց: Երբ տեսակցության էի գնում, միլիցիոները դա թույլ տվեց միայն 1 ռուբլի կաշառք վերցնելու պայմանով: 5, թե 6 միլիցիոներ համազգեստով շարվել էին կալանավորի սենյակի մոտ, ու տեսակցողը պարտավոր էր նրանցից որևէ մեկին 1 ռուբլի տալ»,–գրում է բլոգերը։

«Ազատություն» ռադիոկայանի բլոգը շարունակում է քննարկել ԱՄՆ-ի Սենատ ներկայացված Հայոց ցեղասպանության ճանաչման հերթական բանաձևը։  «Ռադիո Վան»–ի բլոգը խոսում է «Տաշիր» երաժշտական մրցանակաբաշխության ժամանակ Արա Աբրահամյանի կողմից հնչեցված, այսպես կոչված, «ռուսալեզու» ելույթից, ինչպես նաև ականավոր անձանց խոսքերը բլոգերների մասին։ «Բանաձև»–ի բլոգը գրառումներից երկուսը Հայաստանում և Սփյուռքում կանանց իրավունքների և խնդիրների շուրջ է։

«Տարօրինակ է, բայց, իրոք, այսօր կան կանայք (մի ժամանակ չէի հավատում դրան), ովքեր ունեն կրթություն, մասնագիտություն, բայց տղամարդկանց դուր չի գալիս իրենց կողակցի առաջխաղացումն ու գործնական հաջողությունները: Չգիտեմ՝ դա չկայացած տղամարդկանց պրոբլե՞մն է, թե՞ համընդհանուր է: Համենայն դեպս, գերմանացիները չէին չափազանցնում: Իրականում աշխատող, գրագետ կանայք ճնշված են»,– գրում է հեղինակը։ Իսկ մյուս գրառման հեղինակը պատմում է, թե ինչու է իգական սեռի հայ պոռնոաստղը փոխել է իր անունը։

«Հետք»–ի երիտաՍԱՐԴ բլոգի թեման դեռ ինտերնետում տարածված Հրանտ Թոխատյանի և Ալբերտ Ազարյանի սկանդալային վիդեոպատմությունն է։ Javakhk բլոգի գրառումը Ջավախքի առ ցանց հեռուստատեսության մասին է։ Մի խումբ բլոգերների ծաղկաձորյան հանդիպման մասին են գրում Pigh–ը, Crazy-patriot-ը, ireport-ը, Alkhimik-ը, Dianaa-ը, Qrist-ը։ Tevyants–ը «Ինչպես տարբերել աղջկա *չէ*-ն *չէ*-ից»–ից հատուկ դասընթացի մասին է պատմում: Azat-journalist–ը բացահայտում է «Կարսի պայմանագրի «գաղտնիքը»»: Ianyanmag–ն ու Liseya–ն էլ պատմում է Armenian Music Awards 2009–ի մասին։

Լուսանկարներն ըստ՝ Notes from Hairenik և  Ianyanmag–ի

Բլոգների տեսություն, 16.12.2009

Related posts:

1. Բլոգերները կհանդիպեն իրական կյանքում Հայ բլոգերների ակումբի առաջին հանդիպումը տեղի կունենա ս.թ. նոյեմբերի 21-ին,...
2. Բլոգերների ակումբի առաջին հանդիպումը կայացավ Հայ բլոգերների ակումբի առաջին հանդիպումը տեղի ունեցավ շաբաթ օրը...
3. Խոջալուի դեպքերն ու առաքելական եկեղեցին հայկական բլոգներում Հայկական բլոգոսֆերայում վերջին օրերին «Եվրատեսիլյան» կրքերը զիջել են «Խոջալու»–ի...
4. Կանանց դեմ բռնությունների դեմ պայքարի 16-օրյակ Հայաստանում Այսօր նկատմամբ բռնությունների դեմ պայքարի միջազգային օրն է։  Հայաստանում, ինչպես...
5. 2009 – բլոգային տարվա ամփոփում Հայկական բովանդակության համացանցում բլոգների ակտիվության առաջին շրջանը ընդունված է համարել...

Related posts brought to you by Yet Another Related Posts Plugin.