Խմբագրական

Ապրիլ 06, 2016 11:20

Ադրբեջանական փուչիկը պայթեց, բայց ...

Ադրբեջանական փուչիկը պայթեց, բայց ...

Հիմա հարաբերական զինադադար է: Փորձենք նախնական գնահատականներ տալ:

Քառօրյա պատերազմը ցույց տվեց, որ բլից-կրիգային տարբերակով Ադրբեջանը չկարողացավ լուծել իր առաջ դրած խնդիրները:

Ճիշտ է, մենք ցավալի մարդկային կորուստներ ունեցանք և որոշ դիրքեր հանձնեցինք հարավարևելյան ուղղությամբ (այս առումով կան հակասական տեղեկություններ, և իշխանությունները դեռ շատ հարցերի պատասխաններ պետք է տան), սակայն, ընդհանուր առմամբ, լուրջ փոփոխություն չի եղել:

Ադրբեջանում արձանագրված տնտեսական շոկը Ալիևը փորձեց փոխհատուցել «փոքրիկ հաղթական պատերազմով», սակայն դա չստացվեց, ու հիմա նա պետք է իր հանրությանը բացատրություն տա, թե այդ ինչպե՞ս է ստացվում, որ ալիևյան լրատվամիջոցները էյֆորիայի մեջ են ու հաղթանակների մասին են խոսում, մինչդեռ իրականությունն այլ է. ոչ մի հաղթանակ էլ նրանք չունեն:

Ադրբեջանցիներին Ալիևը նաև պետք է բացատրի, թե այդ ինչպե՞ս է ստացվում, որ տարիներ շարունակ իրականացրած այն քարոզը, թե ադրբեջանական բանակը որ պահին ցանկանա՝ կարող է պարտության մատնել հայերին, իրականում փուչիկ դուրս եկավ:

Ղարաբաղյան բանակը սկզբում հարված ստացավ, բայց հետո կարողացավ կանգնեցնել ադրբեջանցիների առաջխաղացումը ու նաև վերականգնել կորցրած դիրքերի մեծ մասը՝ թշնամուն պատճառելով մի քանի անգամ ավելի մեծ վնաս:

Ադրբեջանական փուչիկի պայթյունը, սակայն, չպետք է մեզ ուրախացնի, մանավանդ որ սրտներումս դեռ մեծ ցավ կա ընկածների համար:

Սա դեռ լայմանասշտաբ պատերազմ չէր: Սա դիպվածից առաջացած բախում էր (զինվորական դատախազությունը պետք է պարզի շատ հարցեր, որոնց մասին հիմա չարժե գրել, բայց արժե հիշել ու պահանջատեր լինել), որը բերեց էսկալացիայի ու հետո կանգ առավ: Մեր բանակը, որը հանրային եզակի լեգիտիմություն ունեցող պետական կառույցներից է, պարտադրեց հարաբերական զինադադար, բայց ծանր գնով:

Կռիվը շատ բան բացահայտեց շատերի համար (տեխնիկական հագեցածության մակարդակ, ռազմաքաղաքական հաշվեկշռի փոփոխություն, դիվանագիտական ոլորտում արձանագրվող խայտառակություններ և այլն): Բոլորի համար տեսանելի դարձան մեր ուժեղ ու թույլ կողմերը:

Հիմա հետևությունների ու եզրահանգումների փուլն է:

Պետք է մեկ բան շատ լավ հասկանալ. նման բախումները ժամանակ առ ժամանակ կրկնվելու են, ընդ որում՝ ավելի մեծ ծավալներով:

Մեր ժողովուրդը ցույց տվեց, որ սեփական անվտանգությունը պաշտպանելու հարցում գերմոտիվացված է և համախմբված, բայց, պատկերավոր ասած, չունի գլուխ: Այսինքն՝ համախմբվածությունը ոչ թե իշխանություն-հասարակություն տիրույթում է (ինչպես փորձում են ներկայացնել իշխանական քարոզիչներն ու այս օրերին եթերներում և սոցիալական ցանցերում վխտացող «սութի» քաղաքագետներն ու «հայրենասեր» աշխատողները), այլ մենք գործ ունենք ազգային միասնության դրսևորումների հետ, միասնություն, որը չի վերաբերում պետականաշինությունը տապալած սերժսարգսյանական թիմին:

Չորս օրվա ընացքում բացահայտ երևաց, թե ինչպիսի ավերածություններ է գործել Սերժ Սարգսյանի գլխավորած իշխանական նեղ խումբը ՀՀ ներքին ու արտաքին քաղաքական ոլորտներում: Այսպես շարունակվելու դեպքում շատ ավելի ցավալի բաներ են մեզ սպասվում:

Թեժ մարտերի օրերին, իհարկե, այս մասին խոսելն իմաստ չուներ: Մենք այս ամենի մասին տարիներ առաջ ենք զգուշացրել ու ահազանգել և հիմա պատրաստվում ենք շատ ավելի բարձր տոներով խոսել խնդիրների ու դրանց լուծումների մասին:

Հիմա առավել ևս պետք է ողջ սրությամբ բարձրաձայնել ձախողումների մասին ու առաջարկել փոփոխությունների հասնելու տարբերակներ:

Իշխանությունների վարած անարդյունավետ ու ապաշնորհ քաղաքականության պատճառով զոհվեցին մեր երեխաները. սա փաստ է: Թշնամին լկտիացավ, քանզի Հայաստանը թուլացել է: Ու մեզ չի կարող սփոփել այն, որ Ադրբեջանն ավելի շատ զոհեր ունի: Մեզ համար մեր զոհերն են թանկ:

ՀՀ իշխանությունների ունեցած ձախողումներից առաջացած մեծ «անցքերը» մեր տղաները վերջին օրերին, բառիս բուն իմաստով, իրենց մարմնով ու կյանքով են փակել: Բա հետո՞: Հո չե՞նք կարող ամեն անգամ ծանր կորուստների գնով փոխհատուցել վատ կառավարումը:

Բացառապես սեփական շահերն ու թալանչիական նպատակներն ունեցող խմբակի գոյությունը պետական կառավարման համակարգի գագաթին մեր զույգ պետությունների ու քաղաքացիների անվտանգությանը սպառնացող թիվ մեկ գործոնն է: Այս պնդումն է՛լ ավելի ակնհայտ դարձավ չորսօրյա պատերազմի ընթացքում:

Թշնամին հետ շպրտվեց, բայց քաղաքական ղեկավարության խնդիրը թշնամուն իր բնում պահելն է, այլ ոչ թե երեխաներին թնդանոթի բերան ուղարկելու միջոցով ստատուս քվոն պահելը:

Հայաստանում չի եղել, չկա ու չի լինելու, այսպես ասած, Ղարաբաղը ծախող իշխանություն: Դրանք դատարկ և դեմագոգիկ խոսակցություններ են:

Ղարաբաղը պահում կամ «ծախում» են ներքին քաղաքականությամբ և դրա շարունակություն հանդիսացող արտաքին քաղաքականությամբ:

Տնտեսության մեջ, ժողովրդագրական հարցում, պետական կառավարման ոլորտում, դիվանագիտական հարթությունում արձանագրվող խայտառակ պարտություններն են հանգեցնում «Ղարաբաղը ծախելուն»: Այդ առումով ներկայիս իշխանություններն անհամատեղելի են մեր ազգային-պետական իղձերի ու նպատակների հետ:

7or.am

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: