Մեկնաբանություն

Մայիս 18, 2017 22:22

Բոլորս ագռավի չափ ապրելու ենք

Բոլորս ագռավի չափ ապրելու ենք

ԱԺ վերցերորդ գումարման առաջին նիստի բեմադրությունն էլ տեսանք: Ապաշնորհ բեմադրիչի աշխատանք էր: Ինչպես ասում են, «կարերը երևում էին»՝ ով, ինչպես, ինչու պետք է իրեն այդպես դրսևորեր:

Դերաբաշխման հարցում էլ նորություն չկար. մի խումբը «որ մենք հերոս» էր խաղում, մյուսը՝ «բրնձողի» դերում էր, մեկելը՝ «օրենքի ոգին ու տառը հարգողի» դերն էր ստանձնել: Իրականում բոլորը «մի ոգի, մի մարմին» էին: Մեկ ժամ տևած ելույթն էլ ջուր էր: Այսինքն՝ խրատաբանություն, խոստումների հերթական «խմբաքանակ», ինքնագովություն: Մեծ հաշվով, նախորդ տարիներին արտասանած ճառերից չտարբերվող ելույթ:

Թեև, մի արտառոց «նրբություն» կար Սերժ Սարգսյանի երկարաշունչ ելույթում: Խոսքը օրենսդիրներին օրենսդրական աշխատանքի առանձնահատկությունների մասին բացատրական հատվածի մասին չէ (չնայած, սա էլ զավեշտ է): Ոչ էլ վերաբերում է ՀՀԿ ղեկավարի կողմից քանիցս հնչեցրած այն վստահ պնդմանը, թե «ազատ, թափանցիկ և բարձր գնահատականի արժանացած ընտրությունների միջոցով» է ձևավորվել նորընտիր խորհրդարանը (հետաքրքիր է, ո՞վ է բարձր գնահատականի արժանացրել. այդ ո՞ր միջազգային կառույցն է այդպես հիացել, էլ չասած մեր ժողովրդի մասին):

Կեղծիքների, խախտումների, ընտրակաշառքների և մնացյալ բացասական երևույթների առատությամբ ռեկորդ սահմանած ապրիլերկուսյան ընտրությունները պետության ամոթն էին: Բայց դե, պետության գլուխը հպարտանում է:

Շրջանցենք նաև նոր Սահմանադրության «բարեմասնությունների» մասին ելույթում տեղ գտած ահավոր ձանձրալի հատվածը ևս: Արտառոց չենք կարող համարել նաև Սարգսյանի ելույթում անարդարությանը պատերազմ հայտարարելու մասին «ռազմատենչ ոգով» «հրովարտակի» հրապարակման մասը: Թեպետ, ինչ-որ չափով արտառոց էր, քանի, որ ստացվում է՝ ինքն իր դեմ է պատերազմ հայտարարում: Սա արդեն զվարճալի է: Եվ քանի-քանի անգամ է նման «պատերազմներ հայտարարել» ու «գլխից բռնելու» մարտավարական ծրագիր հռչակել: Ավաղ, այդպես էլ գլուխը չի բռնվում (երևի, շատ «սպլտրիկ» է):

Ելույթում արտառոցն այն է, որ Սարգսյանը խոստումների իրականացման ժամանակացույցը ձգում է մինչև 2040 թվական (համարյա 21-րդ դարակես)՝ «էշ մի սատկի, գարուն կգա» ռազմահայրենասիրական երկարաժամկետով: Ի՞նչ վատ է, 2040-ին կդառնանք 4 միլիոն, 2040-ին աղքատությունը ահագին կնվազի, 2040-ին տնտեսությունը կաճի, 2040-ին աշխատավարձերը կավելանան... Սերժ Սարգսյանը, կարծում է, որ ինքն ու մենք՝ բոլորս ագռավի չափ՝ 500 տարի ապրելու ենք ու տեսնելու ենք, թե ինչպես է Հայաստանը զարգանում: Բացի այդ, Սարգսյանը, փաստորեն, կարծում է, որ ինքն իշխելու է մինչև 2040 թվականը և անպայման կատարելու է տրված խոստումները: Հիմա էլ սեփական իշխանության պահպանման ժամանակային այսպիսի «նշաձող» է սահմանում: Անցած 9 տարին՝ հեչ, դեռ նոր ենք սկսում աշխատել, որի արդյունքները կտեսնեք 2040-ին: Սա՛ է նրա ասածը: Ինչը լսելուց հետո սոցցանցերում, բնականաբար, սկսվեցին ու շարունակվում են հեգնական, ծաղրական բնույթի արձագանքները:

Կիմա Եղիազարյան

Print Friendly and PDF

Այս խորագրի վերջին նյութերը

Ինչ են ասելու և անելու Սարգսյանն ու Կարապետյանը

Ինչ են ասելու և անելու Սարգսյանն ու Կարապետյանը

Հունվար 15, 2018 14:05 Սարգսյանը խոստացել է չդառնալ վարչապետ 2018-ի ապրիլի 9-ից հետո, իսկ Կարապետյանը խոստացել է մնալ վարչապետ 2018-ի ապրիլի 9-ից հետո:
Ճվճվ Արոյի որդիների հեղափոխությունը

Ճվճվ Արոյի որդիների հեղափոխությունը

Հունվար 12, 2018 14:40 Գասպարյանի ու Հովսեփյանի վեճը նաև ցույց է տալիս, թե ինչպիսի պատկեր ենք մենք ունենալու այն ժամանակ, երբ ամբողջությամբ ուժի մեջ կմտնի նոր Սահմանադրությունը:
ՀՀ ապագա նախագահի ֆոտոռոբոտը

ՀՀ ապագա նախագահի ֆոտոռոբոտը

Հունվար 12, 2018 11:00 Նոր Սահմանադրության համաձայն՝ ՀՀ նշանակովի նախագահը պետության գլուխն է, սակայն դատելով նրա լիազորություններից՝ նրան պետական կառավարման համակարգում վերապահված է «մեխի գլուխի» կարգավիճակը:
Իսկ ե՞րբ են բարոյապես փոխհատուցելու ալեքսանդրարզումանյանները

Իսկ ե՞րբ են բարոյապես փոխհատուցելու ալեքսանդրարզումանյանները

Հունվար 11, 2018 15:10 Ի՞նչ իմանար երբեմնի թունդ ընդդիմադիր Արզումանյանը, որ Սերժ Սարգսյանից դեսպանի պաշտոն է ստանալու: Անկանխատեսելի են հաճախորդների ճակատագրերը ...
Սերժ Սարգսյանի ու Կարեն Կարապետյանի «մեսիջները»

Սերժ Սարգսյանի ու Կարեն Կարապետյանի «մեսիջները»

Հունվար 11, 2018 14:15 Հայաստանը, ինչպես հայտնի է, չինովնիկական դրախտավայր է: Իսկ դրախտավայրում տեղերը սահմանափակ են:
Ճվճվները և ճղճղները

Ճվճվները և ճղճղները

Հունվար 11, 2018 12:20 Գործ ունենք «ճվճվներ-ճղճղներ-իշխանություն» անխախտ միասնության հետ:
Պետությունը և թեթև մրսածությունը

Պետությունը և թեթև մրսածությունը

Հունվար 10, 2018 15:00 Հարցն այն չէ, որ Սերժ Սարգսյանն իրավունք չունի թեթևակի մրսել կամ տոնական օրերին մեկնել արտերկիր: Ունի՛, իհարկե:
Մենք արդեն ունե՞նք այդ շքեղությունը

Մենք արդեն ունե՞նք այդ շքեղությունը

Հունվար 08, 2018 15:25 Տարեվերջին վարչապետ Կարեն Կարապետյանը և մի քանի նախարարներ համատեղ հարցազրույց տվեցին:
2018՝ սադո-մազոխիստական քաղաքական տարի

2018՝ սադո-մազոխիստական քաղաքական տարի

Հունվար 08, 2018 11:15 Սադո-մազոխիզմը քաղաքականության մեջ մշտապես հանդիպող երևույթ է, բայց երբ այն անցնում է սահմանները, դառնում է վտանգավոր:
«Սրբազան ավազակաորջը» - 2

«Սրբազան ավազակաորջը» - 2

Հունվար 06, 2018 20:25 Ուժեղ եկեղեցին (հատկապես տնտեսական ու լծակային առումներով) ու թույլ պետությունը (կամ պետության բացակայությունը) հոմանիշներ են:
Ամանորյա ուղերձի մոդել (չմոնտաժված)

Ամանորյա ուղերձի մոդել (չմոնտաժված)

Դեկտեմբեր 31, 2017 20:10 Ահա և եկավ Շան տարին: Ուրախացե՛ք, քանզի այն ձե՛ր տարին է. չէ՞ որ դուք շան օրի եք: Անցնող տարում մենք ձեր մի մասի քվեները շան մսի գնով առանք:
Մեդալներս ու՞մ նվիրեմ, թառամել են առանց քեզ

Մեդալներս ու՞մ նվիրեմ, թառամել են առանց քեզ

Դեկտեմբեր 31, 2017 11:30 Հաշվի առնելով, որ 2018-ին սպասվում են բրեժնևյան ու չեռնենկոյական գործընթացներ՝ մեդալների պակաս չի զգացվելու:
Սամվել Բաբայանի դատավարությունը և «Ազգ-բանակը»

Սամվել Բաբայանի դատավարությունը և «Ազգ-բանակը»

Դեկտեմբեր 31, 2017 08:55 Եթե հայտնի գրող Կաֆկան կենդանի լիներ, ապա Բաբայանի դատավարությունից հետո կհասկանար, որ աբսուրդը սահմաններ չունի:
2017-ի քաղաքական բլեֆը

2017-ի քաղաքական բլեֆը

Դեկտեմբեր 30, 2017 09:10 Բ26-ը այս տարվա ապրիլին փաստացի հայտարարեց, որ ընտրությունների միջոցով բացառվում են փոփոխությունները (ներառյալ՝ իշխանափոխությունը) և մնում է միայն ...
ԱԱԾ-ն և շպիոն Օնոն

ԱԱԾ-ն և շպիոն Օնոն

Դեկտեմբեր 28, 2017 17:35 Տեսնես այդ ո՞ր շպիոն Օնոն էր մամուլին հասցրել, թե բա մեր քաջարիները իսլամիստ են բռնել (փաստորեն, ԱԱԾ-ից տեղեկատվական արտահոսքեր են լինում, այն էլ՝ ահաբեկչության թեմայով):
Ահաբեկչական PR

Ահաբեկչական PR

Դեկտեմբեր 28, 2017 10:25 Գավառական բոլշևիզմն իշխանությունների մոտ արտահայտվում է փողի տեսքով: Փողի ձգտումը սրանց մոտ նույնքան անկյունաքարային հարց է, որքան Կարլ Մարքսի մոտ դասակարգային պայքարը:
2017-ի Հայաստանը

2017-ի Հայաստանը

Դեկտեմբեր 27, 2017 11:35 2017-ին Ս. Սարգսյանը հռչակվեց որպես ՀՀԿ անփոխարինելի առաջնորդ ու ՀՀ միակ կառավարիչ: Աստված, իհարկե, երկար տարիների կյանք տա նրան, բայց դե որ ասում են՝ անփոխարինելի, նշանակո՞ւմ է արդյոք, որ ...
Բռնության լեգիտիմության մասին

Բռնության լեգիտիմության մասին

Դեկտեմբեր 25, 2017 09:01 Եթե 1995-ից հետո այս կամ այն չափով կասկածի տակ է դրվել իշխանության լեգիտիմությունը, ապա վերջին տարիներին արդեն լեգիտիմության հարցը տեղափոխվել է այլ հարթություն:
Ներիշխանական բաժանարար գծերը

Ներիշխանական բաժանարար գծերը

Դեկտեմբեր 21, 2017 10:30 Իշխանությունը (տվյալ դեպքում նկատի ունենք ՀՀԿ-ՀՅԴ կոալիցիան) հիմա բաժանված է երեք խմբի՝ ադեկվատներ (ռացիոնալներ), ոչ ադեկվատներ (հնամաշներ) և դիտորդներ («առնետներ»):
«Մեծ եղբայրը» գրանցվել է «Ֆեյսբուք»-ում և հետևում է բոլորին

«Մեծ եղբայրը» գրանցվել է «Ֆեյսբուք»-ում և հետևում է բոլորին

Դեկտեմբեր 21, 2017 09:25 Իշխանությունը 10.000 դրամով գնեց պետությունը, բայց հիմա վախենում է, որ կարող են հայտնվել «ռոմանտիկներ» և փչացնել իդիլիան:

Ուղիղ միացում ԱԺ նիստից

Հունվար 16, 2018 10:01