Խմբագրական

Նոյեմբեր 27, 2018 14:40

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Բանավոր խոսքի ժամանակ մարդը «կիքսեր» տալու հատկություն ունի: Բանավոր խոսքի ժամանակ մարդն ամենաանկեղծն է: Որքան էլ փորձի թաքցնել սեփական մտքերը կամ խաբել, միևնույն է բանավոր խոսքը մատնում է դրա տիրոջ էությունը: Ճիշտ է, գրավորն էլ է մատնում, բայց բանավորի ժամանակ սեփական լեզվի նկատմամբ վերահսկողությունը շատ ավելի թույլ է, քան գրելիս:

Գրավորի ժամանակ հնարավոր է հետ դառնալ և ուղղել այն միտքը, որը դուրդ չի գալիս կամ թաքցնել այն միտքը, որը չես ուզում ասել: Բանավորն այլ է, հատկապես երբ հայտնվում ես ամբոխի առաջ ու «տաքանում»:

Հայտնի սոցիալ-հոգեբան Սերժ Մոսկովիչին պնդում էր, որ մարդկանց հավաքների ժամանակ անհատի մոտ ենթագիտակցականը սկսում է ճնշել գիտակցությանը և նա սկսում է ասել բաներ, որոնք այլ պայմաններում չէր ասի:

Ըստ Մոսկովիչիի՝ մարդն ամենառացիոնալն է ու հավասարակշռվածը, երբ մենակ է: Որքան շատանում են իրար հետ շփվող մարդիկ, այնքան ռացիոնալիզմն իր տեղը զիջում է իռացիոնալիզմին ու այնքան գիտակցականը կապիտուլացվում է ենթագիտակցականի առաջ:

Մեկ այլ աշխարհահռչակ գիտնական Զիգմունդ Ֆրեյդը մարդու ենթագիտակցականի մասով հեղափոխական հայտնագործություններ է արել: Դրանցից մեկը վերաբերում է լեզվի սայթաքմանը:

Ֆրեյդի տեսության համաձայն՝ մարդը կարող է, անկախ իր կամքից, արտաբերել մի բառ կամ նույնիսկ նախադասություն, որը նա չէր ուզենա ասել, բայց որը բացահայտում է տվյալ սուբյեկտի իրական մտածողությունը և կարծիքը: Որքան էլ հետո մարդը փորձի արդարանալ, թե այլ բան նկատի ուներ կամ սխալվել է, միևնույն է դա ոչինչ չի նշանակում, քանզի ասածն արդեն մատնել է իրեն:

Ի դեպ, «լեզվի սայթաքում ըստ Ֆրեյդի» ձևկերպումը մտել է առօրյա խոսակցական մեջ: Երբ մարդը անկախ իր կամքից բերանից բառ է «թռցնում», ասում են «սայթաքեցիր ըստ Ֆրեյդի»:

Սա որպես նախաբան: Հիմա անցնենք բուն թեմային:

Նիկոլ Փաշինյանի մտքինն ու լեզվինը

Բուն թեման քարոզարշավն է: Ու քանի որ հիմա բանավոր խոսքի հեղեղ է, ուստի «կիքսերն» էլ են հորդում հռետորների բերաններից: Լեզվի սայթաքումն, ըստ Ֆրեյդի, ամենուրեք է:

Երեկ, օրինակ, Նիկոլ Փաշինյանը մի ուշագրավ բան է հայտարարել: Արձագանքելով «Սասնա ծռերի» այն պնդմանը, որ ձևավորվելիք ԱԺ-ն ժամանակավոր է լինելու և 1,5-2 տարի հետո տեղի կունենան նոր ընտրություններ՝ Փաշինյանը նախընտրական հանդիպման շրջանակներում հայտարարել է. «Էդ դուք իրոք որոշել եք, որ ձեզ իրավունք է տրված որոշել խորհրդարանի ու երբեմն նույնիսկ մարդկանց կյանքի չափե՞րը, ես ձեզ ասում եմ՝ հանկարծ չշշկռվեք, սա ձեզ համար Սերժ Սարգսյանի թուլամորթ ու թուլակամ իշխանությունը չէ»:

Փաշինյանը խորհուրդ է տվել իրենց ժպիտներն ու քաղաքավարությունը որևէ մեկը չհամարձակվի մեկնաբանել որպես թուլություն։

«Այդպիսի մի քանի դեպք եղել է, և այդպես մտածողները համտեսել են ասֆալտի համը, ես ոչ մեկին խորհուրդ չեմ տա գնալ այդ ճանապարհով՝ ով ուզում է լինի»,-ասել է Նիկոլ Փաշինյանը։

Սրանք շատ ուշագրավ հայտարարություններ են, որոնք մի քանի շերտ են պարունակում և արժե հասկանալ, թե արդյոք դրանք ընդամենը «տաքացածությա՞ն» հետևանք են, թե՞ Փաշինյանի լեզվից թռել է այն, ինչը նա երկար ժամանակ թաքցրել էր: Այսինքն՝ արժե հասկանալ, թե արդյոք նրա ասածներն ըստ Ֆրեյդի՞ են, թե՞ ըստ Փաշինյանի (տաքգլխության ու նեղացածության արդյունք):

Մի կողմ թողնելով այն հարցի քաղաքական գնահատականը, թե արդյոք կարելի՞ է 2 տարուց հետո արտահերթ ընտրություններ պահանջող ուժին սպառնալ, որ այդ ուժը կարող է համտեսել ասֆալտի համը՝ դիտարկենք Փաշինյանի հայտարարության այլ՝ հոգեբանական ու փիլիսոփայական ասպեկտները:

Ինչո՞ւ է Փաշինյանը թուլակամ համարում Սերժ Սարգսյանին և

ի՞նչ է դա նշանակում

Փաշինյանը Սարգսյանին, «Սասնա ծռերին» ուղղված պատասխանի համատեքստում, կարող է երկու պատճառով թուլամորթ ու թուլակամ համարել՝

1.«Սասնա ծռերի» կողմից ՊՊԾ գնդի գրավման ժամանակ արձանագրված իշխանության պահվածքի համար,

2.այս տարվա ապրիլին հրաժարական տալու և արտահերթ ընտրություններ անցկացնելուն համաձայնելու համար:

Պետք է արձանագրել, որ Նիկոլ Փաշինյանը Սերժ Սարգսյանին համարում է թուլամորթ ու թուլակամ գործիչ այն առումով, որ ինքը Սարգսյանի պես չի վարվի, երբ առաջանա իշխանությունը պահելու խնդիր: Այսինքն՝ Փաշինյանը թույլ չի տա իր իշխանության դեմ հարձակում և արտահերթ ընտրություններ:

Իշխանություններն այն ժամանակ կարող էին ուժ կիրառել և տեղում վերացնել ՊՊԾ գունդը գրավածներին, բայց դա չարեցին: Թերևս հենց այդ վարքագիծն է Փաշինյանը թուլակամություն ու թուլամորթություն համարում:

Դատելով Փաշինյանի ասածներից՝ ստացվում է, որ եթե ինքը լիներ իշխանություն, ապա ՊՊԾ գնդի գրավումից հետո ոչ թե օրեր շարունակ կփորձեր բանակցել «ծռերի» հետ, այլ նրանց, պատկերավոր ասած, կփռեր գետնին:

Այս դեպքում հարց է առաջանում՝ եթե Փաշինյանը համարում է, որ «ծռերի» հանդեպ Սերժ Սարգսյանը մեղմ է վարվել ու հետևաբար նաև՝ սխալ, ապա ինչո՞ւ էր այն օրերին ՊՊԾ գնդի գրավումն օգտագործում իր քաղաքական փիառն անելու համար և ինչո՞ւ է համաներել «ծռերին», եթե գտնում է, որ նրանց հանդեպ թուլամորթություն ու թուլակամություն է ցուցաբերվել:

Եթե «ծռերին» նա համարում է ահաբեկիչներ, ապա ինչո՞ւ է ազատ արձակել: Իսկ եթե նրանց չի համարում ահաբեկիչներ, այլ կարծում է, որ նրանք ազգի շահերով առաջնորդվող հերոսներ են, ապա ինչո՞ւ է կարծում, որ նրանց հանդեպ պետք էր կոշտ ուժ կիրառել, այլ ոչ թե թուլակամություն:

Իսկ եթե Նիկոլ Փաշինյանը թուլակամ ու թուլամորթ է համարում Սերժ Սարգսյանին այն պատճառով, որ վերջինս ապրիլ ամսին ընդառաջ է գնացել ցուցարարների՝ վարչապետի պաշտոնից հրաժարական տալու և արտահերթ խորհրդարանական ընտրություններ անցկացնելու պահանջներին, ապա դա մատնում է Փաշինյանի տեսակը: Ստացվում է լեզվի սայթաքում ըստ Ֆրեյդի:

Սերժ Սարգսյանին թուլակամության մեջ մեղադրելով՝ Փաշինյանը, փաստորեն, հայտարարում է, որ ինքը համանման իրավիճակում ոչ թե հրաժարական կտա, այլ կդիմադրի, այսպես ասած, մինչև վերջին փամփուշտը և ցուցարարներին կպառկեցնի ասֆալտին:

Ու սա ասում է մեկը, ով հայտարարում է, թե իբր հրապարակում կանգնած քաղաքացին է որոշում կայացնում: Փաշինյանն իր հայտարարությամբ, ըստ էության, ցույց տվեց, որ շատ ավելի կոշտ ռեժիմ է պատրաստվում ստեղծել, քան կար Սերժ Սարգսյանի օրոք, որը նա համարում է թուլակամ ու թուլամորթ: Իսկ «քաղաքացին է որոշում» ձևակերպումը զոմբիների ականջը շոյելու համար է, նաև՝ սեփական որոշումների համար պատասխանատվությունից խուսափելու և սեփական քայլերին լեգիտիմություն հաղորդելու համար:

Այս կտրվածքով «Նիկոլը ճիշտ էր, ես սխալվեցի» սարգսյանական ձևակերպումն այլ իմաստ է ստանում: Սերժ Սարգսյանը, սեփական սխալի մասին բարձրաձայնելիս, թերևս, նկատի է ունեցել այն, որ պետք է թուլակամություն չցուցաբերվեր ու ցույցերը խեղդվեր հենց օրորոցի մեջ, ինչը Փաշինյանը, ելնելով իր ձևակերպումներից, առանց աչք թարթելու կաներ, եթե լիներ իշխանություն, այսինքն՝ հետագայում պատրաստ է լինելու անել արդեն որպես իշխանություն:

Առաջնորդվենք ջունգլիների՞ օրենքով

Եթե քաղաքական պայքարը դիտարկում ենք անգլիացի փլիսոփա Հերբերտ Սփենսերի մոդելով, ապա Նիկոլը ճիշտ է, քանզի գործում է ջունգլիների օրենքը:

Ըստ Փաշինյանի ասածների և սփենսերյան մոդելի՝ հատկապես Հայաստանի տիպի երկրներում իշխանությունը պետք է վերցնել արմունկներով՝ դես ու դեն բոթելով մրցակիցներին և անհրաժեշտության պահին ասֆալտին պառկացնելով նրանց:

Դե եթե պառկացնելով է, ապա ճիշտ էին պառկացնողներ Լևոն Տեր-Պետրոսյանը (1996-ին նախագահի պաշտոնում վերարտադրվելով), Վազգեն Սարգսյանը («100 տոկոս էլ ձայն հավաքեիք, միևնույն է՝ ուժայինները չէին ենթարկվի Վ. Մանուկյանին»), Ռոբերտ Քոչարյանը (Տեր-Պետրոսյանին հեռացնելուց հետո իշխանության գալով և 10 տարի իշխանությունը պահելով), Սերժ Սարգսյանը (2008-ի հայտնի դեպքերի արդյունքում իշխանության գալով և 10 տարի իշխանությունը պահելով), Նաիրի Հունանյանը (հոկտեմբերի 27 կազմակերպելով), Նիկոլ Փաշինյանը (փողոցի միջոցով իշխանության գալով) և սխալ էին «պառկողներ» Լևոն Տեր-Պետրոսյանը (հրաժարական տալով), Վազգեն Սարգսյանը (սպանվելով), Նաիրի Հունանյանը (ահաբեկչության արդյունքում իշխանության չգալով), Ժիրայր Սեֆիլյանը (պարբերաբար կալանավորվելով), Սերժ Սարգսյանը (հրաժարական տալով) ու ընտրություններում պարտված նախագահի ընդդիմադիր բոլոր թեկնածուները:

Ահա այսպիսի թավշյա բաներ:

7or.am

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: