Մեկնաբանություն

Դեկտեմբեր 05, 2018 11:45

Մերժե՞լ, թե՞ յուրացնել. Փաշինյանը կրկնում է Սարգսյանին (տեսանյութ)

Մերժե՞լ, թե՞ յուրացնել. Փաշինյանը կրկնում է Սարգսյանին (տեսանյութ)

Երբ Նիկոլ Փաշինյանը դեռևս «Ելք» խմբակցության պատգամավոր էր, քննադատում էր այն օրենսդրական նախաձեռնությունները, որոնք նոր Սահմանադրության շրջանակներում ավելացնում էին վարչապետին, այսինքն՝ Սերժ Սարգսյանին տրվելիք լիազորությունների ծավալները:

Ընդդիմադիր Փաշինյանը դեմ էր արտահայտվում սուպերվարչապետական լիազորություններին, բայց հենց դարձավ վարչապետ՝ պահանջեց է՛լ ավելի մեծ լիազորություններ, որոնց անունն ուզում է դնել «անցումային արդարադատություն»:

«Անցումայինի» անվան տակ Փաշինյանն ուզում է վերցնել դատական, դատախազական ու քննչական ֆունկցիաներ: Նա, ըստ այդմ, ուզում է իր հայեցողությամբ նշանակել մեղավորներ ու հետո դատել՝ շրջանցելով դատական ու փաստաբանական ինստիտուտները: Փադիշահական նրա այդ ցանկությունները մոտ են իրականանալուն, քանզի ապագա ԱԺ-ն ունենալու է մեծամասնություն, որի անդամները ներկայացնելու են բացառապես Նիկոլ Փաշինյանին: Նրանք լինելու են անդեմ ու անկարծիք: Նման օրենսդիր մարմնի ձևավորումից հետո դատական իշխանության սեփականաշնորհումը կդառնա տեխնիկայի հարց:

Փաշինյանը հիմա «մոռացել» է, որ ինքը դեմ էր սուպերվարչապետական համակարգին ու խոստանում էր փոխել այդ համակարգը, բայց վարչապետ դառնալուց 7 ամիս անց նա ոչինչ չի արել այդ ուղղությամբ ու անհավանական է, որ դեկտեմբերի 9-ից հետո վարչապետ դառնալուն պես դա կանի: Չի՛ անի, քանզի մեր ժողովուրդն այնքան դուխ ունեցավ, որպեսզի մերժի Սերժին, բայց այնքան խելք չունեցավ, որ նույն, ես կասեի՝ ավելի կեղտոտ ջուրը երկրորդ անգամ չմտնի:

Ուշագրավն այն է, որ Փաշինյանի տեսակետները շատ դեպքերում կրկնում են Սերժ Սարգսյանինը: Դա վերաբերում է, մասնավորապես, օլիգարխներին, որոնց «բոբո» էր սարքել Փաշինյանն ընդդիմադիր եղած ժամանակ:

Հարց է առաջանում՝ ապրիլ-մայիս ամիսներին տեղի է ունեցել մերժմա՞ն, թե՞ եղածի յուրացման գործընթաց: Պատասխանը, կարծում ենք, ակնհայտ է:

7or.am

Հ.Գ.: Ապրիլ-մայիսյան հանրահավաքների օրերին Նիկոլ Փաշինյանը պնդում էր, որ պետք է մատնահետքերի արձանագրման միասնական համակարգ ձևավորել, որպեսզի ընտրությունների ժամանակ բացառվեն կրկնաքվեարկությունները: Իսկ դա նշանակում էր, որ նախ ինստիտուցիոնալ հիմքեր պետք է ստեղծվեին, այսինքն՝ ընդունվեր Ընտրական նոր օրենսգիրք, ապա տեխնիկապես ապահովվեր նույն այդ մատնահետքերի ստուգման համակարգը: Դրանք չարվեցին: Փաշինյանը հայտարարեց, որ իրենց համար մեկ է, թե որ օրենսգրքով կլինի ընտրությունը ու պահպանեց ռեյտինգային ընտրակարգը:

Եթե ելնենք երբեմնի ընդդիմադիր Փաշինյանի ասածներից, ապա մեկ մարդը դեկտեմբերի 9-ին տարբեր ընտրատեղամասերում կարող է քվեարկել, ինչի մասին շատ էր խոսվում նախորդ իշխանությունների ժամանակ:

Հիմա Փաշինյանն ասում է, որ իրենք չեն թույլ տա կեղծիքներ: Իսկ ո՞րն է երաշխիքը: «Հորս արև, մորս արևը՞»:

Փաշինյանն ասում է՝ եթե իմ վարչապետության շրջանում ընտրությունները կեղծվեն, ապա ես իմ ապրած կյանքը և քաղաքական պայքարը կհամարեմ անիմաստ: Է՜հ, հետո ի՞նչ: Ասենք՝ կհամարես անիմաստ կամ չես համարի: Հետո՞:

Եթե ընտրությունները չկեղծվելու երաշխիքը Փաշինյանի «մամայիս արև, չեմ կեղծի, թե չէ անիմաստ կլինի մեր պայքարը» բանաձևն է, ապա դա իրականում ուղիղ դեպի կեղծիքները տանող ճանապարհն է՝ պատված դեմագոգիկ շղարշով:

Բա որ հանկարծ Փաշինյանն իր պայքարը համարի անիմաստ: Ի՞նչ է, դրանից հետո հայ ժողովուրդն ընկնելու է նոր մարդ ման գա, որը չի՞ համարի իր պայքարն անիմաստ ու նո՞ր «վոժդ» կկարգի նրան: Ի՞նչ է, մենք կրա՞կն ենք ընկել ամբոխավարության ձեռքը:

Փաստորեն, Փաշինյանն առաջարկում է իր կյանքի իմաստալից լինել-չլինելու հիմքով գնահատել ընտրությունների լեգիտիմությունը: Բա ի՞նչ եղան Սերժ Սարգսյանի նախագահության շրջանում խոսվող մեռած հոգիների քվեարկության, կեղծ անձնագրերի ու ID-քարտերի պատմությունները, որոնք կրկնաքվեարկություններ ապահովելու և քվեներ կեղծելու գործիքներն էին: Դրանք չկայի՞ն Սարգսյանի ժամանակ (ուրեմն ամբողջ հայ ժողովուրդը պետք է ներողություն խնդրի ՀՀԿ-ից, որ անհիմն մեղադրել է նրանց շրջիկ խմբերի համար), թե՞ կային այդ շրջիկ խմբերը, կեղծ անձնագրերը և իդենտիֆիկացիոն քարտերը, պարզապես դրանք հիմա սեփականաշնորհվել ու յուրացվել են Փաշինյանի իշխանության կողմից: Ի՞նչ իմանանք:

Փաշինյանն այս հարցերին պատասխանելու փոխարեն առաջարկում է արդար ընտրությունների առումով հավատալ իր «հորս արև չեմ կեղծելու» խոսքին: Դա նույնն է, որ Փաշինյանը հայտարարի, թե պետությունը, Սահմանադրությունը, օրենքները, դատարանները, դատախազությունը, քննչական ծառայությունը, համայնքները, մարզպետարանները ես եմ: Ի դեպ, փաստացի դա էլ հայտարարում է:

Այս խորագրի վերջին նյութերը

Փաշինյանն Արցախի հարցով պատրաստվում է հանրաքվե՞ անցկացնել

Փաշինյանն Արցախի հարցով պատրաստվում է հանրաքվե՞ անցկացնել

Հունվար 23, 2019 10:30 Ներկայիս իրավիճակը շատ դրվագներով հիշեցնում է 1997–1998թթ. ներքին ու արտաքին քաղաքական զարգացումները։
Նիկոլ Փաշինյանը՝ Նյուտոնի 1–ին ու 3–րդ օրենքների արանքում

Նիկոլ Փաշինյանը՝ Նյուտոնի 1–ին ու 3–րդ օրենքների արանքում

Հունվար 22, 2019 09:30 Լենայից պետք չէ նեղանալ. նա ակամայից բացահայտել է իրենց իշխանության բուն էությունը, այն է՝ նախորդի իներցիայով շարժվելը։
Գալուստ Սահակյանի «ռեինկարնացիան» (տեսանյութ)

Գալուստ Սահակյանի «ռեինկարնացիան» (տեսանյութ)

Հունվար 22, 2019 00:45 Փաստորեն, «Գալուստ Սահակյան» ոչ թե ծնվում են, այլ դառնում։ Նկատի ունեմ իշխող խմբակցության ղեկավար դառնալը։
Ամուլսարն՝ ընդդեմ վիճակագրության

Ամուլսարն՝ ընդդեմ վիճակագրության

Հունվար 21, 2019 12:35 Ոստիկանությունը ոչ մի քայլ չի ձեռնարկում ապօրինություններ թույլ չտալու համար, իսկ Փաշինյանն այդ ընթացքում ներդրումային թռիչքներ է արձանագրում ... «Ֆեյսբուքում»:
Փաշինյանի սուպերվարչապետական գայթակղությունը (տեսանյութ)

Փաշինյանի սուպերվարչապետական գայթակղությունը (տեսանյութ)

Հունվար 21, 2019 11:20 Նիկոլ Փաշինյանն ու իր թիմակիցները հիմա ատամներով են պաշտպանում Սերժ Սարգսյանի համար նախատեսված սուպերվարչապետական լիազորությունները:
Արամ Սարգսյանի սիլլոգիզմը կամ «Մուտք կա» (տեսանյութ)

Արամ Սարգսյանի սիլլոգիզմը կամ «Մուտք կա» (տեսանյութ)

Հունվար 21, 2019 10:10 «Ելք» դաշինքի մաս կազմած կուսակցությունները միշտ էլ իշխանությունների մոտ մուտք գտնում են: Գոռում էին՝ «Ելք կա», բայց իրականում առաջնորդվում էին «Մուտք կա» սկզբունքով:
Փաշինյանը, Զիմզիմովը և արագաչափերը (տեսանյութ)

Փաշինյանը, Զիմզիմովը և արագաչափերը (տեսանյութ)

Հունվար 19, 2019 13:35 Մենք մի անգամ արդեն պատժել ենք մեկին սուտ խոսքի համար, բայց, չգիտես՝ ինչու, հետևողական չենք այդ հարցում, ու թույլ ենք տալիս, որ նորից մեզ խաբեն:
Լևոն Տեր-Պետրոսյանից մինչև Արարատ Միրզոյան. վերադարձ դեպի անցյալ (տեսանյութ)

Լևոն Տեր-Պետրոսյանից մինչև Արարատ Միրզոյան. վերադարձ դեպի անցյալ (տեսանյութ)

Հունվար 18, 2019 20:40 Ի՞նչ է սա՝ Հայաստանում հյուսիսկորեական քաղաքական մշակույթի ներդրո՞ւմ, թե՞ բարձր ակնկալիքներով կրեդիտ Նիկոլ Փաշինյանին:
Ի՞նչ սկզբունքով է բանակցում Հայաստանն Արցախի հարցով

Ի՞նչ սկզբունքով է բանակցում Հայաստանն Արցախի հարցով

Հունվար 18, 2019 12:30 «Հայաստանը չի բանակցելու Արցախի հարցով» ձևակերպումից հետո ինտենսիվ բանակցություններ վարելը նշանակում է Ադրբեջանին հանձնել նախաձեռնությունը:
«Թավշյա» երջանկության 3 բանալիները (տեսանյութ)

«Թավշյա» երջանկության 3 բանալիները (տեսանյութ)

Հունվար 17, 2019 22:25 Հայաստանի բոլոր դժբախտությունների պատճառը տգիտությունն է: Տգիտությունն է ծնում աղքատություն, պետության թուլություն և պարտություն:
Դավիթ Անանյանի ուշագրավ արձագանքը Նիկոլ Փաշինյանի գրառմանը (տեսանյութ)

Դավիթ Անանյանի ուշագրավ արձագանքը Նիկոլ Փաշինյանի գրառմանը (տեսանյութ)

Հունվար 17, 2019 16:30 Դավիթ Անանյանը ակամայից բացահայտել է տնտեսության վրա փաշինյանական պոպուլիզմի բացասական հետևանքները:
Հակաիրանական գիծը փաշինյանենց մոտ պատահականությո՞ւն է, թե՞ դիտավորություն

Հակաիրանական գիծը փաշինյանենց մոտ պատահականությո՞ւն է, թե՞ դիտավորություն

Հունվար 16, 2019 21:18 Որքա՞ն կդիմանա Հայաստանն այս «թավշյա» էքսպերիմենտին:
Ինչու և ինչից է անհանգստացած Փաշինյանը (տեսանյութ)

Ինչու և ինչից է անհանգստացած Փաշինյանը (տեսանյութ)

Հունվար 16, 2019 12:10 Փաշինյանը նյարդայնանում է, որ իր իշխանության դեմ և՛ փողոցում, և՛ տեղեկատվական դաշտում հիմա կիրառվում է այն նույն տեխնոլոգիան, որը նա կիրառել էր:
Փողոց փակելու լիազորագիրը

Փողոց փակելու լիազորագիրը

Հունվար 16, 2019 00:30 Մենք պետությո՞ւն ենք կառուցում, թե՞ «քուչա»:
Փախուստ անցյալից (տեսանյութ)

Փախուստ անցյալից (տեսանյութ)

Հունվար 15, 2019 14:05 Ինչո՞ւ էր Նիկոլ Փաշինյանի համար սկզբունքային ԲՀԿ-ական թեկնածուին ԱԺ փոխխոսնակ դարձնելը, այլ ոչ թե ընդամենը ամիսներ առաջ դաշինքային գործընկեր ԼՀԿ-ականի օգտին քվեարկելը:
Հին Հայաստանի վերջին խորհրդարանը

Հին Հայաստանի վերջին խորհրդարանը

Հունվար 15, 2019 10:45 Եթե հիշենք, թե ինչեր էին խոսվում «թավշյա» օրերին ու «թավշյա» հարթակներից նախորդ տարվա ապրիլ-մայիսին, ապա կարող ենք ասել, որ այժմ ունենք հակահեղափոխական իշխանություն:
Ինչ էր նշանակում Պուտինի ուշացած շնորհավորանքը Փաշինյանին

Ինչ էր նշանակում Պուտինի ուշացած շնորհավորանքը Փաշինյանին

Հունվար 14, 2019 17:05 Փաշինյանին հաջողվեց կարճ ժամանակահատվածում նախադեպը չունեցող խնդիրներ ստեղծել հայ-ռուսական հարաբերություններում:
Խաշը, բողկը և Փաշինյանի նյարդային արձագանքը (տեսանյութ)

Խաշը, բողկը և Փաշինյանի նյարդային արձագանքը (տեսանյութ)

Հունվար 14, 2019 16:02 Բա էն վախտ խի՞ չէիք բան ասում, որ սերժենց խաշ ուտելու կամ քեֆերի մասին էին գրում թերթերը, այդ թվում՝ «Հայկական ժամանակը»:
Խորհրդարանական կրկեսը մեկնարկեց (տեսանյութ)

Խորհրդարանական կրկեսը մեկնարկեց (տեսանյութ)

Հունվար 14, 2019 12:30 «Դուխով» Փաշինյանի, օրենսդիր-սեփականատեր Ծառուկյանի ու «կլասիկ» Մարուքյանի ղեկավարած ուժերից ձևավորված խորհրդարանից այլ բան չէր էլ կարող սպասվել:
«Շվոնդերն»՝ ընդդեմ «Լենինի ախռանիկի» (տեսանյութ)

«Շվոնդերն»՝ ընդդեմ «Լենինի ախռանիկի» (տեսանյութ)

Հունվար 14, 2019 10:35 Արևմտյան ֆինանսավորմամբ հայաստանյան կառույցներն, իրոք, աջակցել ու շարունակում են աջակցել Փաշինյանին, բայց դա չի խանգարում ամերիկացիներին «փչացնել» Փաշինյանին: