Մեկնաբանություն

Դեկտեմբեր 27, 2018 11:55

«Հեղափոխության» կադրային բանկը

«Հեղափոխության» կադրային բանկը

Տարածված տեսակետ կա, ըստ որի՝ Նիկոլ Փաշինյանը լավն է, բայց թիմն է վատը, քանզի նորմալ կադրեր չկան, պրոֆեսիոնալներ չկան, մասնագետներ չկան իր թիմում: Սա, անշո՛ւշտ, վիճելի տեսակետ է, քանզի թիմը ձևավորում է լիդերը՝ իր տեսակով ու նմանությամբ:

Կադրային խնդիրներն, իրոք, լուրջ են մեզ մոտ: Եթե նախկին իշխանությունները պետական ինստիտուտները և պաշտոնները վարկաբեկում էին շմայսներին, լիսկաներին, լֆիկներին և մյուսներին պաշտոն ու մանդատ տալով, ապա փաշինյանական իշխանությունը ոչ թե վարկաբեկում է պետական ինստիտուտները և պաշտոնները, այլ պարզապես «խուրդում» է դրանք:

Նախարարները, փոխվարչապետերը, մարզպետերը, համայնքապետերը, պատգամավորները և մյուսները, որոնք պաշտոնի անցան քայլելու «ստուգարքը» հանձնելուց հետո կամ ճիշտ պահին ճամբարափոխ լինելու արդյունքում, չնչին բացառություններով անգրագետ են, իսկ երբեմն նաև՝ անմեղսունակ: Մենք հիմա ականատեսն ենք մարտնչող տգիտության ու հավակնոտ միջակության հաղթարշավի:

Օրինակ՝ բոլորի աչքի առաջ հեռուստաբանավեճում տապալվեց Լենա Նազարյանը, որի գիտելիքները պետական կառավարման ոլորտում չեն գերազանցում դպրոցականի կամ, լավագույն դեպքում, 1–ին կուրսի ուսանողի մակարդակը, դառնում է ԱԺ փոխնախագահ: Լիլիթ Մակունցի պես ապաքաղաքական և միջակ աչոնիկը ղեկավարելու է իշխող խմբակցությունն ԱԺ-ում, իսկ քաղաքականության հետ կապ չունեցող մի հսկայական բիոզանգված խորհրդարանում կոճակի դեր է կատարելու Նիկոլ Փաշինյանի համար:

Մեկ այլ պատմություն են Փաշինյանի նշանակած համայնքապետերը: Համոզված ենք, որ Կարգին Հայկոյին շատ շուտով կհաջողվի Երևանի քաղաքապետարանն ամբողջությամբ վերածել էժանագին սերիալի նկարահանման հրապարակի և կրկեսի: Նախնական աշխատանքներն արդեն կան:

Մյուս համայնքապետերն ու մարզպետերն էլ պակասը չեն: Օրինակ՝ Էջմիածնի նոր Մանվելը՝ նորանշանակ քաղաքապետ Դիանա Գասպարյանը, որն իր գիտելիքներով չի զիջում նույն Լենա Նազարյանին կամ Լիլիթ Մակունցին, մի գրառում է արել ֆեյսբուքյան իր էջում:

«Նոր «Արմենիա» հեռուստաընկերության եթերում պատահաբար հանդիպեցի «Ֆուլ հաուս» հեռուստասերիալի նոր եթերաշրջանին և, մեղմ ասած, տհաճություն ապրեցի: Իրեն առնական տղամարդու տեղ դրած Մուշեղը կնոջ գլխին պատմություն է սարքում, ուղիղ մեղադրում, մի կռիվ, մի պատերազմ ծավալում բոլորի դեմ այն պատճառով, որ աղջիկ երեխա է ունեցել, մինչդեռ ինքը, видите ли, տղա էր ուզում: Բառացիորեն ասում է՝ «Ի՜նչ Թագուհի (երեխայի անունը, իբր, Թագուհի է), ինձնից միայն թագավոր պիտի ծնվեր»: Ու բոլորը արդարանում են, կինը լացում է. մի խայտառակ վիճակ:
Ես ուղղակի ապշած եմ, որ նման բաները եթեր են թողնում, իսկ շատ հայ ընտանիքներում էլ երեխաները նայում են այս սերիալները և դրանց հիման վրա արժեհամակարգ ձևավորում: Սա հստակ սեռային խտրականություն քարոզող երևույթ է, որը պիտի արգելվի: Ու հետո էլ պայքարում ենք սելեկտիվ աբորտների դեմ:
Մնում է գոնե ծնողներին խնդրել՝ իրենց երեխաներին հեռու պահեն նման խայտառակ հեռուստանախագծեր դիտելուց»,-գրել է Դիանան:

Այս գրառումը հնարավորություն տվեց արձանագրել հետևյալը՝ 1. քաղաքապետուհին, չնայած ուզում է ցույց տալ, թե իբր պատահաբար է նայել, բայց իրականում սերիալի սիրահար է, այն էլ՝ էժանագին սերիալի, 2. հայերեն ոչ բոլոր բառերի իմաստն է նա հասկանում և նախադասությունը կազմում է միջակ դպրոցականի մակարդակով, 3. Դիանան ուզում է խելոք ու մտահոգ մարդու և պաշտոնյայի տպավորություն թողնել, բայց ակամայից բացահայտում է յուր դատարկությունը:

Էլի լիքը բաներ արձանագրվեցին, բայց չենք ուզում շարունակել: Սելեկտիվ աբորտի դեմ պայքարի առաջամարտիկ Դիանան ավելի լավ է պայքարի այլ սելեկտիվ բաների դեմ (որ հարցնի, կհուշենք):

Ի դեպ, եթե Էջմիածնի նոր Մանվելին դուր չեն գալիս ֆուլհաուսատիպ սերիալները և նա կոչ է անում հեռու պահել երեխաներին հեռուստաէկրաններից, ապա նա պետք է դիմի իր թիմակիցներ Կարգին Հայկոյին ու Կոլոտ Հովոյին և նրանց ամոթանք տա՝ «խայտառակ հեռուստանախագծերի» համար: Չէ՞ որ հենց այս մարդիկ են տարիներ շարունակ եթերից բռնաբարել հայոց լեզուն ու բազմաչարչար հեռուստադիտողին: Այդ բռնաբարողներից մեկը հիմա «տժժում» է քաղաքապետարանում, իսկ մյուսը՝ համարյա պատգամավոր էր դառնում, բայց ժամանակից շուտ մերկացավ ու չստացվեց իր օրենսդիր ապագան, այլապես կարող էր նույնիսկ ԱԺ նախագահ դառնալ:

Փաշինյանի կադրերին պետք է մեկ խորհուրդ տալ՝ խոսելուց առաջ մտածել և նույնիսկ մտածելուց հետո չխոսել, իսկ գրելուց առաջ սևագիր անել ու հետո պատռել այդ սևագիրն ու հրաժարվել գրածը հանրությանը մատուցելու գայթակղությունից:

Հայտնի խոսք կա՝ լուռ մնա, խելացու տեղ կանցնես: Համ էլ՝ «ուտելիս» չեն խոսում:

Հայկ Ուսունց

Այս խորագրի վերջին նյութերը

Քոչարյանը տվեց բանաձևը. «Կոնսենսուս մինուս մեկ»

Քոչարյանը տվեց բանաձևը. «Կոնսենսուս մինուս մեկ»

Հունիս 25, 2019 15:45 Երբ ռացիոնալիզմն ու պոպուլիզմը կանգնում են դեմ–դիմաց, առաջանում է լուրջ կոնտրաստ։
Փաշինյանի հակառուսական «միտինգը» ԵԽԽՎ–ում

Փաշինյանի հակառուսական «միտինգը» ԵԽԽՎ–ում

Հունիս 25, 2019 14:20 Փաշինյանը հեռակա կարգով կռիվ է տալիս Պուտինի դեմ։
Մի հիմար քարը գցեց հորը, 40 խելոք չկարողացան հանել

Մի հիմար քարը գցեց հորը, 40 խելոք չկարողացան հանել

Հունիս 25, 2019 12:15 Օպերացիայի գլխավոր հրամանատարն, անկասկած, Նիկոլ Փաշինյանն է։
Հեղափոխության տականքները և ծափահարող խորհրդարանը

Հեղափոխության տականքները և ծափահարող խորհրդարանը

Հունիս 24, 2019 12:50 2018–ի ապրիլին փողոց փակող, նախկինը մերժող ու նոր Հայաստան պահանջող զանգվածը հաստատ չգիտեր, որ դառնալու է հնագույն Հայաստանի վերակենդանացման գործիքը։
Ի՞նչն է միավորում Փաշինյանին, Տեր–Պետրոսյանին ու «Սասնա ծռերին»

Ի՞նչն է միավորում Փաշինյանին, Տեր–Պետրոսյանին ու «Սասնա ծռերին»

Հունիս 24, 2019 12:05 Ծովից ծով ու լճից լիճ Հայաստան պահանջողները միայն ձևով են իրարից տարբերվում, իսկ ահա բովանդակությամբ նույնն են։
6-րդ հիվանդասենյակում ամեն ինչ հնարավոր է...

6-րդ հիվանդասենյակում ամեն ինչ հնարավոր է...

Հունիս 22, 2019 17:50 Վերացնել դատարանները, ստեղծել հեղափոխական «խունվեյբիններից» կազմված հավատաքննիչ (ինկվիզիցիոն) մարմիններ։
Բնության քաղաքական օրենքները

Բնության քաղաքական օրենքները

Հունիս 22, 2019 12:01 Փաստորեն, այս իդիոտիզմը կարող էր լինել 2008–ին, բայց թույլ չտրվեց։ Դրա համար են էս քայլարածները դատում Ռոբերտ Քոչարյանին։
Փաշինյանի «մահապարտները»

Փաշինյանի «մահապարտները»

Հունիս 21, 2019 12:05 Դեստրուկտիվիզմի և համատեղ գործած հանցանքի վրա հիմնված իշխանական թիմն, ի վերջո, փլուզվում է առաջին իսկ թեթև հպումից։
Սադրիչը մնում է սադրիչ` բարիկադի որ կողմում էլ լինի

Սադրիչը մնում է սադրիչ` բարիկադի որ կողմում էլ լինի

Հունիս 21, 2019 11:30 Նիկոլը դարձել է վարչապետ, բայց էությունը, սադրանքների զինանոցը, ձեռագիրը չի փոխվել. մնացել է նույն «տաղանդավոր» սադրիչը, ինչ 5 տարի, 10 տարի, 15 տարի, 20 տարի առաջ։
Լևոնական Վահե Գրիգորյանի նիկոլությունը. իշխանազավթում

Լևոնական Վահե Գրիգորյանի նիկոլությունը. իշխանազավթում

Հունիս 20, 2019 18:35 Փաշինյանը փաստացի ֆաշիստական մեթոդոլոգիայով է զավթում իշխանությունը։ Փաշինյանական ֆաշիզմն առանց գաղափարախոսության է։
Դատավոր Դանիելյանն «իր բարձրության» վրա է

Դատավոր Դանիելյանն «իր բարձրության» վրա է

Հունիս 20, 2019 08:35 Եթե մեղադրողներն ասում են` մածունը սև է, ուրեմն սև է. ո՞վ է ինքը, որ նրանց ասածին «չէ» ասի։
Փաշինյանը վերակենդանացնո՞ւմ է «Փող՝ տարածքների ու բաց կոմունիկացիաների դիմաց» ծրագիրը

Փաշինյանը վերակենդանացնո՞ւմ է «Փող՝ տարածքների ու բաց կոմունիկացիաների դիմաց» ծրագիրը

Հունիս 19, 2019 18:15 Նույնիսկ խոսվում էր զիջումների դիմաց Հայաստանին տրվելիք թվի մասին՝ 5 միլիարդ դոլար։
Ոչխարը՝ կառավարությունում (տեսանյութ)

Ոչխարը՝ կառավարությունում (տեսանյութ)

Հունիս 19, 2019 17:50 Դատելով ամենից՝ կառավարության շենքը կամաց-կամաց դառնում է կենդանիների հավաքատեղի: Նկատի ունեմ շենքի դիմաց բերվող կենդանիներին:
Ինչն է միավորում ԲՀԿ–ին ու ԼՀԿ–ին

Ինչն է միավորում ԲՀԿ–ին ու ԼՀԿ–ին

Հունիս 19, 2019 11:30 Գագիկ Ծառուկյանն ու Էդմոն Մարուքյանը ճնշումների, շանտաժի կամ բնածին վախի ազդեցության տակ են «ազատ» քվեարկություն իրականացրել։
Հայաստանը «ժողովրդավարության բաստիոն» դարձնելու ամենակարճ  ճանապարհը երկրում «երկաթյա բռնապետություն» հաստատե՞լն է

Հայաստանը «ժողովրդավարության բաստիոն» դարձնելու ամենակարճ ճանապարհը երկրում «երկաթյա բռնապետություն» հաստատե՞լն է

Հունիս 19, 2019 09:27 Հանրության գիտակից հատվածը պետք է պաշտպանի սահմանադրականությունը։
Նիկոլ Փաշինյանի հետևողական հակապետականությունը

Նիկոլ Փաշինյանի հետևողական հակապետականությունը

Հունիս 18, 2019 12:36 «Թավշյա» տղաներն ու աղջիկներն այսօր իրար են ճղում «վոժդին» հավատարմության երդումներ տալու համար, բայց վաղը...
«Նոր» Հայաստան, նոր Լիսաբո՞ն

«Նոր» Հայաստան, նոր Լիսաբո՞ն

Հունիս 18, 2019 10:00 Հայաստանի վարչապետն իրենից կախված ամեն ինչ արել է և անում է` «առաջ տանելու» Արցախի միջազգային մեկուսացումը լիակատար և վերջնական դարձնելու ադրբեջանական ծրագիրը։
Էշը՝ կառավարությունում (տեսանյութ)

Էշը՝ կառավարությունում (տեսանյութ)

Հունիս 17, 2019 16:35 Չի բացառվում, որ վերջում չորքոտանիները հայտնվեն արդեն շենքի ներսում: Թեև տեսակետ կա, որ շատերն իրենց էշի տեղ դրած՝ վաղուց շենքից ներս են մտել:
Ի՞նչ ցույց տվեց ՔՊ համաժողովը

Ի՞նչ ցույց տվեց ՔՊ համաժողովը

Հունիս 17, 2019 11:40 ՔՊ ղեկավար կազմը նիկոլական «կուզովով» է և լևոնական «մատոռով»։
Երբ Արարատը լեռ չէ, և երբ «լեռը» քայլարած է

Երբ Արարատը լեռ չէ, և երբ «լեռը» քայլարած է

Հունիս 17, 2019 10:04 Անտրամաբանական ձևով «թռել» էին չամիչի գներն, ու կտրուկ իջել էր ոչխարի գինը։ Երեկ բոլորը սկսել էին յոնջա ման գալ ու փնտրել թանի բաղադրատոմսը։