Մեկնաբանություն

Հունվար 21, 2019 11:20

Փաշինյանի սուպերվարչապետական գայթակղությունը (տեսանյութ)

Փաշինյանի սուպերվարչապետական գայթակղությունը (տեսանյութ)

Նիկոլ Փաշինյանը սովորեցրեց, թե ինչպես պետք է իշխանությունից հեռացնել իր խոսքի տերը չեղած մարդուն, բայց մեր հանրությունը չսովորեց, թե ինչպես պետք է անել, որ նոր իշխանությունը չհամարձակվի կրկնել նախորդին, և ինչպես անել, որ բանը փողոց դուրս գալուն չհասնի:

Եթե դու մարդուն տալիս ես անսահմանափակ լիազորություններով պաշտոն (նախկինում դա նախագահի պաշտոնն էր, իսկ հիմա՝ վարչապետինը), ապա բնական է, որ այն կայլասերի իշխանավորին, իսկ բացարձակ այլասերված համակարգը կայլասերի իշխանավորին բացարձակ ձևով:

Խնդիրն, ըստ այդմ, անձերի մեջ չէ: Խնդիրը հասարակական հարաբերությունների ցածր որակի և պետական կառավարման, քաղաքական, տնտեսական համակարգերի անկատարության մեջ է: Պետք է, ուրեմն, պատճառը վերացնել, այլ ոչ թե հետևանքի դեմ կռիվ տալ:

Քա՛յլ արա, մերժի՛ր ստին

Հեծանիվ պետք չէ հորինել: Առաջադեմ աշխարհը ձևը գտել է: Դա զսպումների ու հակակշիռների ինստիտուցիոնալ մեխանիզմն է օրենսդիր, գործադիր և դատական իշխանությունների միջև:

Լիազորությունները և պատասխանատվությունը պետք է հավասարակշռված լինեն:

Հասարակությունն իշխանություն ձևավորելու հաջորդ օրը պետք է, պատկերավոր ասած, մահակը ձեռքը վերցնի ու դառնա պահանջատեր, այլ ոչ թե հույս ունենա, որ իշխանավորը լավն է, ու իրենց լավ կնայի:

Աշխարհի ոչ մի իշխանություն և, առավել ևս, Նիկոլ Փաշինյանինը, հակված չէ իրապես հաշվետու լինելու հասարակությանը և չգայթակղվելու իշխանության հնարավորություններով, եթե չկան զսպող մեխանիզմ ու սթափ հասարակություն: Հաշվետու իշխանությունը միայն ինստիտուցիոնալ մեխանիզմների ու կայացած քաղաքացիական հասարակության դեպքում է լինում:

Մենք հիմա տեսնում ենք, որ մեր հանրության ճնշող մեծամասնությունն իր «ես»-ը հանձնել է մեկ մարդու և նրանից ունի մեծ ակնկալիք, սակայն դա բերելու է մեծ հիասթափության, քանզի Նիկոլ Փաշինյանին չեն զրկել իշխանությամբ չգայթակղվելու հնարավորությունից, կամ գոնե չեն նվազեցրել այդ գայթակղություններին տրվելու մարդկային հակվածությունը:

Փաշինյանն էլ, օգտվելով ստեղծված իրավիճակից, հիմա անում է այն, ինչ նախկինում քննադատում էր, և չի անում այն, ինչ նախկինում պարտադրում էր անել ՀՀԿ-ականներին:

Խոսքը, մասնավորապես, վերաբերում է սուպերվարչապետական համակարգին:

Մերժվել է Սերժը, բայց ոչ սերժիզմը

Նախորդ տարվա ապրիլ-մայիսին տեղի ունեցած քաղաքական բուռն իրադարձությունները, որոնք փաշինյանենք կոչում են «թավշյա հեղափոխություն», «Քա՛յլ արա, մերժի՛ր Սերժին» կարգախոսի ներքո էին:

Այդ «մերժումը» անձնավորված էր, բայց պարզ էր, որ խոսքն ավելի լայն կոնտեքստի մասին է: Մերժվում էին միահեծան համակարգը, իշխանության ճյուղերի միանձնյա կառավարումը, հանրային վերահսկողության մեխանիզմների բացակայությունը, լճացումը և այլն:

Նիկոլ Փաշինյանն ու մյուսները քննադատում էին Սերժ Սարգսյանին այն բանի համար, որ նա իր վրայով նոր Սահմանադրություն և օրենսդրություն է կարել: Բայց հենց վարչապետ դարձավ Փաշինյանը, նրան սկսեց դուր գալ ուրիշի հագով կարված կոստյումը: Ավելին՝ նա հիմա նոր լիազորություններ է պահանջում էյֆորիայի մեջ գտնվող հանրությունից:

Փաշինյանի ու մյուսների քննադատությունն առ Սերժ Սարգսյան նաև այն պատճառով էր, որ վերջինս սուպերվարչապետական լիազորություններով է ինքն իրեն օժտում ու հատկապես ուժային կառույցները պահում անձամբ իր ձեռքում, մինչդեռ ճիշտ կլիներ, որ ուժայիններն անցնեին կոլեգիալ կառույցների՝ Կառավարության ու խորհրդարանի վերահսկողության տակ:

Ինչպես դժվար չէ գլխի ընկնել, հանրային պահանջատիրության բացակայության պայմաններում Փաշինյանն ու իր թիմակիցները հիմա ատամներով են պաշտպանում Սերժ Սարգսյանի համար նախատեսված սուպերվարչապետական լիազորությունները և կարծում են, որ ուժայինները պետք է ենթարկվեն վարչապետին, այսինքն՝ Նիկոլ Փաշինյանին: Այսինքն՝ ստացվում է, որ Նիկոլենք մերժել են Սերժին, բայց ոչ սերժիզմը, քանզի իրենք են հիմա սերժիզմից օգտվողը:

132 պատգամավորից 131-ի քվեն ստացած Արարատ Միրզոյանն, օրինակ, կարծում է, որ նախորդ իշխանությունները եթե մի լավ բան են արել մեր երկրի համար, ապա դա այն է, որ ուժային կառույցները նախարարություններից դարձրել են գործադիր իշխանության ղեկավարին կից կառույցներ: Նա դա բացատրում է, իբր, այդ կառույցների ապաքաղաքականացմամբ, բայց դա դեմագոգիա է:

Դե պատկերացրեք, թե ինչպիսի հյուսիսկորեական քաղաքական խաղի կանոններ են ներդրվում մեզ մոտ, որ 100 տոկոս ձայնով ԱԺ խոսնակ դարձած մարդը հայտարարում է, թե չի ուզում խորհրդարանական վերահսկողության տակ առնել ուժային կառույցներին, և ճիշտ է համարում դրանք մեկ մարդու՝ Նիկոլ Փաշինյանին ենթարկեցնելը: Եվ սրանք խոսում են ժողովրդավարությունից ու մարդու իրավունքների պաշտպանությունից:

Նորմալ պայմաններում ԱԺ նախագահ դարձած Միրզոյանը պետք է շահագրգռված լիներ, որ ուժայինները խորհրդարանին հաշվետու լինեին, բայց քանի որ մենք այժմ օրենսդիր մարմնում ունենք տարբեր անունների տակ հանդես եկող 132 Նիկոլ Փաշինյան, ու ԱԺ խոսնակի 100 տոկոս քվեն փաստացի ստացել է ոչ թե Միրզոյանը, այլ Փաշինյանը, ուստի Փաշինյանը չի կարող կողմ լինել, որպեսզի իր սուպերլիազորությունները պակասեցվեն:

Եթե մեր հանրությունը թույլ է տալիս, որ իրեն խաբեն, ապա ցանկացած իշխանավոր, հայտնի հերոս Զիմզիմովի պես, կստի ու իր խոսքի տերը չի դառնա՝ համարվելով «ղոչաղ»: Ու կապ չունի, որ իշխանության է եկել «Սերդեչնի պրիվետ ատ Զիմզիմովա» ասելով:

Կորյուն Մանուկյան

Այս խորագրի վերջին նյութերը

Լևոնանիկոլական ռեժիմի առանձնահատկությունները (տեսանյութ)

Լևոնանիկոլական ռեժիմի առանձնահատկությունները (տեսանյութ)

Փետրվարի 21, 2019 11:30 Փաշինյանն ու Տեր–Պետրոսյանը դեռևս ֆորմալ գործընկերներ չեն, բայց դա կապ չունի։
Նիկոլ/Սաշիկ՝ 50/50 (տեսանյութ)

Նիկոլ/Սաշիկ՝ 50/50 (տեսանյութ)

Փետրվարի 20, 2019 13:55 Օրերս հայտնաբերվեց 50/50–ի շատ կոնկրետ դեպք ... Նիկոլ Փաշինյանի մասնակցությամբ։
Հայաստանը թևակոխում է քաղաքական վենդետտաների փուլ

Հայաստանը թևակոխում է քաղաքական վենդետտաների փուլ

Փետրվարի 20, 2019 12:20 Նիկոլ Փաշինյանն իր ներկայիս վարքագծով դարձել է մահապարտ՝ մահապարտ դարձնելով ու վնաս հասցնելով Հայաստանի Հանրապետությանը։
Ամուլսարի առումը

Ամուլսարի առումը

Փետրվարի 20, 2019 09:55 Այդ ի՞նչ հզոր ձեռք է, որ թույլ չի տալիս Նիկոլ Փաշինյանին որոշում կայացնել։
Ինչո՞ւ է Փաշինյանը խճճվել Մարուքյանի հարցում (տեսանյութ)

Ինչո՞ւ է Փաշինյանը խճճվել Մարուքյանի հարցում (տեսանյութ)

Փետրվարի 19, 2019 13:30 2017–ին Նիկոլը հայտարարում էր, որ եկել է Լուսավոր Հայաստանի էջը բացելու ժամանակը։
Նիկոլ Փաշինյանին հանգիստ չեն տալիս Տիգրան Սարգսյանի դափնիները (տեսանյութ)

Նիկոլ Փաշինյանին հանգիստ չեն տալիս Տիգրան Սարգսյանի դափնիները (տեսանյութ)

Փետրվարի 19, 2019 11:32 Նիկոլ Փաշինյանը «տնտեսական հեղափոխության» գլխավոր գործիքի դերում տեսնում է ՀԴՄ կտրոնը։ Նա այդ առումով օրիգինալ չէ։
Ինչո՞ւ է անհանգստացած Լևոն Տեր-Պետրոսյանը

Ինչո՞ւ է անհանգստացած Լևոն Տեր-Պետրոսյանը

Փետրվարի 18, 2019 19:45 ՀԱԿ-ի առաջարկն արտաքուստ բխում է Փաշինյանի շահերից, բայց իրականում Տեր-Պետրոսյանն անհանգստացած է սեփական ճակատագրով:
Կառավարության ծրագրի հակառակ կողմը

Կառավարության ծրագրի հակառակ կողմը

Փետրվարի 18, 2019 10:55 Իսկ ի՞նչ էր ուզեցել ասել կառավարությունը, որ չէր հանձնել թղթին, այլ թողել էր տեքստից դուրս, այսինքն՝ հակառակ կողմում։
Ինչո՞ւ է Փաշինյանը նյարդայնանում Մարուքյանից և հիշում «Վատիկանի դրոշի» մասին (տեսանյութ)

Ինչո՞ւ է Փաշինյանը նյարդայնանում Մարուքյանից և հիշում «Վատիկանի դրոշի» մասին (տեսանյութ)

Փետրվարի 16, 2019 14:00 Ստացվում է, որ Փաշինյանն էլ է առնվազն 2017–ին մտել Մինասյանի նախագծի մեջ, այսինքն՝ եղել է «Վատիկանի դրոշը» համբուրողների մեջ։
«Նոր Հայաստանի» կոռուպցիան (տեսանյութ)

«Նոր Հայաստանի» կոռուպցիան (տեսանյութ)

Փետրվարի 15, 2019 13:40 Կոռուպցիան միայն վարչապետի կաբինետ մտնելիս կուլոն, ոսկի, մարջան, ապարանջան տալը չէ։ Դա միայն աներձագին կամ զարմիկին պատգամավոր, իսկ մյուս բարեկամներին՝ այլ պաշտոնների նշանակելը չէ։
Ի՞նչ ցույց տվեց կառավարության ծրագրի քվեարկությունը

Ի՞նչ ցույց տվեց կառավարության ծրագրի քվեարկությունը

Փետրվարի 15, 2019 12:01 Այս կառավարության գործունեության ժամկետի հետհաշվարկը միացրած է, և այն միացրել է Նիկոլ Փաշինյանը՝ իր վարած ներքին ու արտաքին քաղաքականությամբ։
«Ժողովրդի վարչապետը» տապալում է սահմանադրական կարգը. Փաշինյանը գնում է Սահակաշվիլո՞ւ ճանապարհով (տեսանյութ)

«Ժողովրդի վարչապետը» տապալում է սահմանադրական կարգը. Փաշինյանը գնում է Սահակաշվիլո՞ւ ճանապարհով (տեսանյութ)

Փետրվարի 14, 2019 14:48 Փաշինյանը ոչ թե սուպերվարչապետական լիազորություններ է ուզում, այլ ավելին:
Փաշինյանի «ո՛չ, ո՛չ»–ային արտաքին քաղաքականությունը

Փաշինյանի «ո՛չ, ո՛չ»–ային արտաքին քաղաքականությունը

Փետրվարի 14, 2019 11:30 Ինչո՞ւ պետք է հանուն Փաշինյանի իշխանության՝ Հայաստանն ու Արցախը նման գին վճարեն։
Ներթիմային «փոխհրաձգություն»

Ներթիմային «փոխհրաձգություն»

Փետրվարի 13, 2019 19:32 Թեև Նիկոլ Փաշինյանն ու Լևոն Տեր-Պետրոսյանը ֆորմալ առումով թիմակիցներ չեն, բայց առնվազն գաղափարական հատվածում (հատկապես Արցախի խնդրի կարգավորման ու ներքաղաքական հարցերում) նրանք միևնույն կոդի մեջ են:
Լենա Նազարյանը ձեռնոց է նետում Գալուստ Սահակյանին

Լենա Նազարյանը ձեռնոց է նետում Գալուստ Սահակյանին

Փետրվարի 12, 2019 19:25 Նույնիսկ Գ. Սահակյանի մտքով չէր անցնի ասել, որ արագը դանդաղն է, բայց առանց ընդմիջումների:
Փաշինյանի «դուխով» արտաքին քաղաքականության քիրվայական բնույթը

Փաշինյանի «դուխով» արտաքին քաղաքականության քիրվայական բնույթը

Փետրվարի 12, 2019 12:45 Ադրբեջանական մամուլում համոզված են, որ Փաշինյանի ուսուցիչը Արցախի հարցում Լևոն Տեր–Պետրոսյանն է, ու ողջունում են այդ հանգամանքը։
«Լավագույն» ավանդույթները շարունակվում են

«Լավագույն» ավանդույթները շարունակվում են

Փետրվարի 12, 2019 10:50 Մենք ոչ թե նոր Հայաստանի նոր իշխանություն ենք ձևավորել, այլ մենք գործ ունենք հին Հայաստանի վերջին իշխանության հետ։
Խոցում հովանոցով (տեսանյութ)

Խոցում հովանոցով (տեսանյութ)

Փետրվարի 11, 2019 12:10 «Թավշյա» տիկնայք և պարոնայք ապշած են, թե ինչու են մեդիան ու ֆեյսբուքահայությունն իրենց, պատկերավոր ասած, խոցում հովանոցով։
Կորչի՛ սուպերվարչապետությունը, կեցցե՛ սուպերվարչապետությունը

Կորչի՛ սուպերվարչապետությունը, կեցցե՛ սուպերվարչապետությունը

Փետրվարի 11, 2019 11:30 Օրենսդրությանը, դատարաններին, դատախազությանը, մարզպետարաններին ու մյուս պետական կառույցներին փոխարինելու է եկել Փաշինյանի կամքը, որն ամենևին էլ բարի չէ։
Նիկոլ Փաշինյան VS Գևորգ Կոստանյան (տեսանյութ)

Նիկոլ Փաշինյան VS Գևորգ Կոստանյան (տեսանյութ)

Փետրվարի 08, 2019 13:35 Ինչպես և երբ են ծառայեցվելու Գևորգ Կոստանյանի գիտելիքները պետությանը՝ դժվար է ասել։