Գլխապտույտ հաջողություններից

Գլխապտույտ հաջողություններից

Մարտ 21, 2019 22:35 Չեմ կարծում, թե ճիշտ որոշում է սեփական իշխանության հասնելու օրը հռչակել համապետական տոն։
Ո՞ւմ հույսին է մնացել «տնտեսական հեղափոխությունը»

Ո՞ւմ հույսին է մնացել «տնտեսական հեղափոխությունը»

Մարտ 21, 2019 12:02 Այս 4 սուբյեկտներն, ի դեպ, «նիսյա» են։

Մեկնաբանություն

Մարտ 10, 2019 15:35

Սառը ցնցուղ Փաշինյանի վրա

Սառը ցնցուղ Փաշինյանի վրա

ԵԱՀԿ Մինսկի խմբի համանախագահների կամ այլ կերպ ասած՝ Արցախի հարցով բանակցային միջնորդների համատեղ հայտարարությունը սառը ցնցուղ էր Նիկոլ Փաշինյանի վրա։

Այդ հայտարարությունը տեղ չի թողնում քաղաքական ու նաև աշխարհաքաղաքական պոպուլիզմի համար։ Հայտարարությունը նաև Փաշինյանին բերում է պատասխանատվության դաշտ, ինչից «ժողովրդի վարչապետն» ամեն կերպ փախչում էր։

Երբ Փաշինյանը հայտարարում էր, որ Արցախի հարցում իր մոտեցումներն ամբողջությամբ տարբերվում են ՀՀ բոլոր նախորդ ղեկավարների մոտեցումներից, դա «հեղափոխական կուսությունը» պահելու շրջանակներում էր տեղավորվում։ Բայց տակը բան չկար։ Օրիգինալ երևալու մոլուցքը Հայաստանին ու Արցախին լուրջ հարված հասցրեց։

Երբ Փաշինյանը հայտարարում էր, որ արցախցիներն իրեն չեն ընտրել և ինքը չունի մանդատ Արցախի հարցով բանակցելու համար, դա իրականում պատասխանատվությունից խուսափելու համար էր արվում։ Դա նաև Արցախը «պոդստավկա» անել էր նշանակում։

Երբ Փաշինյանը հայտարարում էր, թե ընդամենը շփվում է Ալիևի հետ, դա իրականում նշանակում էր բանակցությունները թաքցնելու փորձ։ Բանակցություններ, որոնք ընթանում էին Ազգային անվտանգության հարցերով ԱՄՆ նախագահի խորհրդական Ջոն Բոլթոնի հովանու ներքո, և որոնք տեղավորվում էին «Տարածքներ՝ կոմունիկացիաների դիմաց» բանաձևի շրջանակներում։

«Իքս» պահից սկսած Փաշինյանը հետ քաշվեց Բոլթոնի պլանից, բայց արդեն համը հանել էր ու կտրուկ փոխել իրավիճակն ի վնաս մեզ։ Այս առումով տեղին է հիշեցնելը, թե ինչ էր ասել ՀՀ 2–րդ նախագահ Ռոբերտ Քոչարյանն իր վերջին հարցազրույցում՝ մինչև համանախագահների հայտարարության հրապարակումը։

«Հայկական կողմը զիջումներ անելու պատրաստակամության առումով չափից ավելի բարձր սպասումներ առաջացրեց՝ ինչպես Ադրբեջանում, այնպես էլ՝ համանախագահների մոտ։ Ու հենց այդ պատճառով էլ, կարծում եմ, որ Մինսկի խմբի հաջորդ առաջարկներն առանձնապես դուրեկան չեն լինելու»,–ասել էր Քոչարյանը «168 ժամի» հետ հեռակա հարցազրույցում։

Ցավոք այդպես էլ եղավ։

Համանախագահների վերջին հայտարարությունը վերադարձրեց բանակցությունները դեպի Կազան, այսինքն՝ 2011 թվական, որը ավելի լավ է, քան Բոլթոնի պլանը, բայց ավելի վատ է մեր մեկնարկային դիրքերի տեսանկյունից։ Վերադարձ դեպի Կազանը նշանակում է, որ Ադրբեջանի նախաձեռնած 2016–ի ապրիլի քառօրյան այլևս «դուրս գրվեց» Բաքվի վրայից։

Միջնորդներն իրենց հայտարարությամբ Փաշինյանին արդեն ուղիղ տեքստով են ասում, որ բանակցային ձևաչափի փոփոխություն չի լինելու, այսինքն՝ Փաշինյանը, պատճառաբանելով, որ չունի արցախցիների մանդատը, չի կարողանալու հայտարարել, որ չի բանակցելու Արցախի հարցով։

Եթե Փաշինյանը շարունակի պատասխանատվությունից խուսափելու քաղաքականությունը, ապա դա լեգիտիմ հնարավորություն կտա Ադրբեջանին սկսել ռազմական գործողություններ։ Համանախագահների հայտարարությունը կանխում է ռազմական գործողությունների իրականացումը, բայց պայմանով, որ Փաշինյանը դադարեցնելու է պոպուլիզմն ու դեմագոգիան Արցախի հարցով։

Փաշինյանը հիմա փորձելու է ներքին լսարանի համար դեմքը փրկելու ուղիներ ման գալ, բայց դա անիմաստ զբաղմունք է։ Դեմքը պետք էր փրկել ու մեր շահերը պահել Ալիևի հետ բանակցությունների, այլ ոչ թե շոու–սելֆիների ժամանակ։

Սարսափով միայն կարելի է պատկերացնել, թե ինչպես է Փաշինյանը մտնելու բովանդակային բանակցությունների դաշտ։ Իսկ որ նրան արդեն այդտեղ են մտցնում, աներկբա է։

Կորյուն Մանուկյան

Հ.Գ.։ ՀՀ ԱԳՆ–ից, արձագանքելով համանախագահների հայտարարությանը, խոսում են Սանկտ Պետերբուրգի և Վիեննայի համաձայնությունների մասին, բայց հայտարարության մեջ այդ համաձայնագրերն արդեն չկան։

«Խաղաղության մթնոլորտի ձևավորումը, ռիսկերի նվազեցման և միջադեպերի կանխարգելման մեխանիզմների և փոխվստահության ամրապնդման միջոցառումների ներդրումը, ինչպես դա ամրագրվել է Դուշանբեի, իսկ մինչ այդ նաև Վիեննայի ու Սանկտ Պետերբուրգի գագաթաժողովների շրջանակներում, շարունակում են մնալ առարկայական»,–ասել է ԱԳՆ խոսնակը։

Ուշագրավն այն է, որ Դուշանբեում ոչ մի բան էլ չի ամրագրվել։ Ընդամենը բանավոր համաձայնություն է եղել, այն էլ՝ խախուտ։ Իսկ Սանկտ Պետերբուրգի ու Վիեննայի համաձայնագրերը «ջրվել» են Փաշինյանի թեթև ձեռքով, ավելի ճիշտ՝ լեզվով։ Հիշեցնենք, որ նա Ալիևին հղում անելով հայտարարում էր, որ Սանկտ Պետերբուրգում ոչ մի համաձայնություն էլ ձեռք չի բերվել։

Պաշտոնական Երևանի անգրագետ ու անհեռատես քաղաքականության արդյունքում Սանկտ Պետերբուրգի ու Վիեննայի համաձայնությունները զրոյացվել են։ Այդ համաձայնությունները 2016–ի ապրիլյան պատերազմից հետո հայկական կողմի ու համանախագահների՝ Ադրբեջանի վրա ճնշման արդյունքում էին ձեռքբերվել, բայց «ջրվեցին» Փաշինյանի «վերելակային» դիվանագիտության արդյունքում։

Կրկին մեջբերենք Քոչարյանի հարցազրույցից մի հատված. «Ակնհայտ է, որ Ալիևը հեշտությամբ առավելության հասավ Փաշինյանի նկատմամբ։ Դուշանբեի վերելակային բանակցությունները, փաստորեն, թաղեցին մեզ ձեռնտու Վիեննայի և Սանկտ Պետերբուրգի՝ շփման գծում վստահության միջոցների ամրապնդմանը միտված համաձայնությունները։ Իսկ դրանք հենց այն գինն էին, որ Ադրբեջանը վճարում էր Ապրիլյան պատերազմի սանձազերծման համար»։

Այս խորագրի վերջին նյութերը

Պոեզիա և քաղաքականություն. Փաշինյան VS Թուրքմենբաշի (տեսանյութ)

Պոեզիա և քաղաքականություն. Փաշինյան VS Թուրքմենբաշի (տեսանյութ)

Մարտ 20, 2019 10:35 Թե ով է որպես բանաստեղծ ավելի լավը՝ Նիկո՞լը, թե՞ Թուրքմենբաշին, արդեն ճաշակի ու դաստիարակության խնդիր է։
Փաշինյանի ինքնախոստովանական ասուլիսը

Փաշինյանի ինքնախոստովանական ասուլիսը

Մարտ 19, 2019 20:20 Սա այն դեպքն է, երբ տեղին է օգտագործել «Քո լեզուն քո թշնամին է» ձևակերպումը:
Հեղափոխական Լֆիկի փոխակերպումները (տեսանյութ)

Հեղափոխական Լֆիկի փոխակերպումները (տեսանյութ)

Մարտ 18, 2019 18:55 Թե ինչու են հեղափոխականները առանձնահատուկ վերաբերմունք ցուցաբերում Լֆիկի նկատմամբ, կարելի է կռահել: Թե ինչու է վերջինս սիրով լցված հեղափոխականների նկատմամբ, դա էլ դժվար չէ կռահել:
Լուսինե Բադալյանի շուրթերով արձանագրված ճշմարտությունը (տեսանյութ)

Լուսինե Բադալյանի շուրթերով արձանագրված ճշմարտությունը (տեսանյութ)

Մարտ 18, 2019 15:41 Բադալյանն իր գրառմամբ անկեղծացել էր ու Թումանյանի հայտնի ստեղծագործության հերոս Գիքորի պես տան խոսակցությունն արտացոլել ֆեյսբուքյան իր էջում:
Փաշինյանի «ո՛չ, ո՛չ»–ային քաղաքականության առանձնահատկությունները

Փաշինյանի «ո՛չ, ո՛չ»–ային քաղաքականության առանձնահատկությունները

Մարտ 18, 2019 12:00 «Ո՛չ, ո՛չ»–ի արդյունքում մենք դաշնակից ենք կորցնում, նորը չենք գտնում ու բոլորի համար դառնում անվստահելի։
Մի քանի դիտարկում «Օպերա» օպերացիայի կապակցությամբ

Մի քանի դիտարկում «Օպերա» օպերացիայի կապակցությամբ

Մարտ 15, 2019 15:52 Ամեն մի հեղափոխական թիմ իր մեծ ու փոքր վիշինսկիներն ու ենիչերիներն ունի:
Ինչպես է Նիկոլ Փաշինյանը նախապատրաստվում խաղաղության. դուրսը՝ քահանա, ներսը՝ սատանա

Ինչպես է Նիկոլ Փաշինյանը նախապատրաստվում խաղաղության. դուրսը՝ քահանա, ներսը՝ սատանա

Մարտ 15, 2019 12:04 Սրանք «աբիժնիկների», բոմժերի ու նախկին հաճախորդների իշխանություն են ձևավորել, քանզի իրենք են այդպիսին։
ԱկԾիվիստ VS ԱՆՏԻվիստ (տեսանյութ)

ԱկԾիվիստ VS ԱՆՏԻվիստ (տեսանյութ)

Մարտ 14, 2019 19:00 «Թավշյա հեղափոխությունը» յուրօրինակ ցեղասպանություն իրականացրեց: Քաղաքացիական ակԾիվիստը՝ որպես տեսակ,՝ վերացավ:
«Տնտեսական հեղափոխության» դահճային դեմքը

«Տնտեսական հեղափոխության» դահճային դեմքը

Մարտ 14, 2019 10:55 Միայն հեղափոխական Լֆիկով գարուն չի գա։ ... Որքա՞ն կդիմանա Հայաստանն այս նեոբոլշևիկյան էքսպերիմենտին։
Փաշինյանին վերադարձրեցին Կազան

Փաշինյանին վերադարձրեցին Կազան

Մարտ 13, 2019 16:50 Նիկոլ Փաշինյանի «հեղափոխական կուսության» շրջանն ավարտվեց։ Մտնում ենք բանակցային տուրբուլենտության շրջան։
Փաշինյանը Սարգսյանին՝ դու ճիշտ էիր, ես սխալվեցի (տեսանյութ)

Փաշինյանը Սարգսյանին՝ դու ճիշտ էիր, ես սխալվեցի (տեսանյութ)

Մարտ 13, 2019 16:25 Հիմա Փաշինյանը կազանյան գործընթացի շրջանակներում է բանակցելու: Իսկ դա նշանակում է, որ նա հետ է կանգնում իր նախկին հայտարարություններից:
Հարկային տեռորը և Ամուլսարի ոդիսականը

Հարկային տեռորը և Ամուլսարի ոդիսականը

Մարտ 12, 2019 11:50 Ամուլսարի հանքի ոդիսականը բազմաթիվ հարցեր է առաջացնում, իսկ կառավարության անգործությունը՝ կասկածներ։
Նիկոլը սխալվեց ...

Նիկոլը սխալվեց ...

Մարտ 11, 2019 13:35 Նախորդ տարի իշխանափոխությունը տեղի ունեցավ խոստման ու դրա չկատարման պատճառով։ Հիմա խոստումից խուսափում է Փաշինյանը, ընդ որում՝ շատ ավելի ռազմավարական նշանակության հարցում։
«Շան որդի է, բայց մեր շան որդին է»

«Շան որդի է, բայց մեր շան որդին է»

Մարտ 11, 2019 11:50 Արևմտյան կառույցների ու գրանտատուների համար կան լավ ու վատ, սև ու սպիտակ քաղակտիվիստներ։
«Թավշյա հեղափոխության» կոռուպցիոն հմայքը (տեսանյութ)

«Թավշյա հեղափոխության» կոռուպցիոն հմայքը (տեսանյութ)

Մարտ 10, 2019 17:32 «Հեղափոխականների» վերջին հանգրվանը հակակոռուպցիոն «պայքարիստ» դառնալն է։
Սառը ցնցուղ Փաշինյանի վրա

Սառը ցնցուղ Փաշինյանի վրա

Մարտ 10, 2019 15:35 Համանախագահների հայտարարությունը Փաշինյանին բերում է պատասխանատվության դաշտ, ինչից «ժողովրդի վարչապետն» ամեն կերպ փախչում էր։
Ինչու է աղմկում ու «դանոսչիկություն» անում Լևոն Տեր–Պետրոսյանը

Ինչու է աղմկում ու «դանոսչիկություն» անում Լևոն Տեր–Պետրոսյանը

Մարտ 10, 2019 10:45 Երբ Տեր–Պետրոսյանը խոսում է Փաշինյանի անվտանգությունից, դա հուշում է, որ քաղաքական սպանությունների տարիներին նախագահ եղածի մտքով նաև սադրանք է անցնում։
Ինչու է Փաշինյանի իշխանությունը համարվում «սորոսական»

Ինչու է Փաշինյանի իշխանությունը համարվում «սորոսական»

Մարտ 09, 2019 12:55 Եթե մարդ չունի «իզմեր», ապա նրա գլխավոր «իզմը» դառնում է, այսպես ասած, դատարկիզմը։
Ո՞ւմ է ակնարկում Նիկոլ Փաշինյանը (տեսանյութ)

Ո՞ւմ է ակնարկում Նիկոլ Փաշինյանը (տեսանյութ)

Մարտ 06, 2019 16:23 Փաշինյանի ներկայիս թիմը բաժանված է երկու մասի: Նրանց պայմանականորեն կարելի է բաժանել տեղացիների ու սորոսականների:
«Թավշյա հեղափոխության» հունվեյբինները կամ Փաշինյանի «սաքուլիկները»

«Թավշյա հեղափոխության» հունվեյբինները կամ Փաշինյանի «սաքուլիկները»

Մարտ 05, 2019 01:15 Փաշինյանը հանուն իշխանության պահպանման մահապարտ դառնալու ճանապարհն է ընտրել: