Մեկնաբանություն

Մայիս 11, 2019 14:50

Նիկոլալևոնական իշխանության թշվառությունը (տեսանյութ)

Նիկոլալևոնական իշխանության թշվառությունը (տեսանյութ)

Նախորդ տարվա մայիսին տեղի ունեցած իշխանափոխությունը ձևով նիկոլական էր, իսկ բովանդակությամբ՝ լևոնական: Ինչու լևոնական, քանզի «իզմեր», կայուն սկզբունքներ ու պատկերացումներ չունեցող Նիկոլ Փաշինյանը, կամա թե ակամա, ընկել է Լևոն Տեր-Պետրոսյանի ստվերի տակ: Այսինքն՝ հայտնվել է այնտեղ, որտեղ ձևավորվել է որպես մուտիլովկաներով զբաղվող թերթի խմբագիր ու քաղաքական գործիչ:

Այս իշխանության լևոնականությունը զգացնել է տալիս և՛ Արցախի, և՛ 2008-ի մոտիվներով քաղաքական վենդետտայի, և՛ այլ հարցերում:

2008-ի մարտի 1-ի արյունից մաքրվելու և անձնական մուռ հանելու համար իրականացվող «հեռախոսային արդարադատությունը» Փաշինյանին ավտոմատ կերպով դարձնում է Տեր-Պետրոսյանի կցորդը:

Փաշինյանն, իհարկե, ձգտում է ինքնաբավ և ինքնուրույն երևալ: Նա մարդկայնորեն ատում է Տեր-Պետրոսյանին ու քաղաքականապես բարդույթավորվում նրանից: Նույն զգացողությունն է նաև 1-ին նախագահի մոտ Նիկոլի հանդեպ: Բայց դա չի խանգարում նրանց գտնվել միևնույն նավակի մեջ, քանզի ոչինչ չի միավորում մարդկանց այնպես, ինչպես համատեղ գործած հանցանքը: Մենք, ըստ այդմ, ունենք լևոնանիկոլական իշխանություն: Նրանց միավորում է արյունը: Մարտի 1-ի արյունը:

Նիկոլը, Վլադիմիրն ու Արարատը՝ չհաշված Վանո Սիրադեղյանը

Փաշինյանը քարոզչական, պաշտպանության ու այլ կարևոր ոլորտներում իրեն շրջապատում է լևոնական տիրույթի ու մտածողության կադրերով՝ Անդրանիկ Քոչարյան, Արա Շիրինյան, Տիգրան Պասկևիչյան, Վլադիմիր Կարապետյան ... Վերջինս Փաշինյանի մամլո խոսնակն է:

Կարապետյանը, իր ներկայիս շեֆի ոճով, բամբասանքային, էժանագին ու անհիմն հայտարարություններ է անում՝ ցույց տալով Նիկոլ Փաշինյանի ջղաձգվածությունը, որի պատճառը Ռոբերտ Քոչարյանն է ու Արցախում տիրող տոտալ հականիկոլական մթնոլորտը:

Փաշինյանն իր խոսնակի շուրթերով շարունակում է էժանագին ձևակերպումներ օգտագործել: Եվ դա այն դեպքում, երբ ինքն ու խոսնակը ներկայացնում են միլիարդների հասնող թալանի, սահմանադրական կարգի տապալման, իշխանության այլասերման ու կոռուպցիայի հիմնադիր հայր Տեր-Պետրոսյանին:

Իսկ այն, որ Տեր-Պետրոսյանի օրոք է սկիզբ դրվել կոռուպցիային ու ընտրակեղծիքներին, հայտարարել է ԱԺ ներկայիս նախագահ Արարատ Միրզոյանը:

«Կոռումպացված ռեժիմը հիմնադրվել է Լևոն Տեր-Պետրոսյանի կողմից: Գոնե մի՛ խոսեք, էլի՛, 95, 96 թվի ընտրությունների կեղծմամբ չսարքեցի՞ք այս ամեն ինչը»,- հեռուստաբանավեճի ժամանակ դիմելով Վլադիմիր Կարապետյանին՝ հայտարարել էր Միրզոյանը՝ արձագանքելով Տեր-Պետրոսյանի մոտեցումները կրծքով պաշտպանող իր այն ժամանակվա ընդդիմախոսի որոշ ձևակերպումներին:

Միրզոյանն այս ամենն ասել է այն ժամանակ, երբ դեռ չգիտեր, որ թավշյա է դառնալու ու Կարապետյանի հետ հայտնվելու է իշխանության մեջ: Միրզոյանն այս ամենն ասում էր այն ժամանակ, երբ Փաշինյանը «քցել» էր Լևոնենց ու իր բախտն էր որոնում՝ որպես Բ26-ի հաճախորդ: Կարապետյանն ու Հայ ազգային կոնգրեսի բոլոր անդամներն էլ այն ժամանակ Փաշինյանենց համարում էին Սերժ Սարգսյանին ծախված: Ու խնդիրն այն էր, որ երկուսն էլ իրար մասին ճիշտ էին ասում, քանզի ներսից գիտեին իրար:

Միրզոյանն ու Կարապետյանն այժմ թիմակիցներ են: Երկուսն էլ պաշտոն են ստացել Փաշինյանի որոշմամբ:

Երբ Միրզոյանը հեռուստաեթերում քննադատում էր Կարապետյանին ու մեղադրում նրա շեֆ Տեր-Պետրոսյանին կոռուպցիոն ռեժիմի հիմնադրման ու ընտրությունները կեղծելու համար, ձեռքին իշխանական լծակ չկար: Իսկ հիմա կա: Արարատը մեր երկրի ոչ այն է՝ երկրորդ, ոչ այն է՝ երրորդ պետական դեմքն է: Դեմք, որն ընտրվել է ԱԺ գրեթե 100 տոկոսի քվեով:

Ի՞նչն է այժմ խանգարում Միրզոյանին իրավական հարթություն տեղափոխել, իր իսկ բնութագրմամբ, կոռուպցիոն ռեժիմի հիմնադիր Լևոն Տեր-Պետրոսյանի գործունեությունը և 1995, 1996 թվականներին տեղի ունեցած ընտրակեղծիքների թեման:

Եթե Միրզոյանը ժամանակին բանավիճում էր Կարապետյանի հետ և նրան համարում լևոնական կոռումպացված ու ընտրակեղծարար ռեժիմի ներկայացուցիչ, ապա ինչպե՞ս է այժմ նրա հետ միևնույն թիմում աշխատում:

Փորձե՞լ է արդյոք Միրզոյանը Փաշինյանին հիշեցնել իր կարծիքը 1-ին նախագահի կառավարման տարիների մասին: Թե՞ հիմա անցյալի պատմությունը գնահատվում է ընտրովի ու վենդետտայաբար:

Իսկ եթե Միրզոյանն այն ժամանակ սխալ բաներ է ասել Տեր-Պետրոսյանի նախագահության տարիների մասին, ապա այժմ պետք է հրապարակավ ներողություն խնդրի:

Մի խոսքով, Արարատ Միրզոյանը կա՛մ պետք է տեր կանգնի իր խոսքերին ու Լևոնենց մասով գնա մինչև վերջ, կա՛մ պետք է ներողություն խնդրի Լևոնենցից ստախոսության համար:

Ինչ մնում է Փաշինյանին, ապա եթե նա սահմանադրական կարգի տապալում է փնտրում, ապա թող վերադառնա 1995-96 թվականներ: Թող իր մյուս ուսուցիչ Վանո Սիրադեղյանից հարցնի, նա կպատմի, թե ինչու և ինչ եղավ 96-ին: Կամ էլ Նիկոլը թեկուզ նույն Միրզոյան Արարատին թող հարցնի:

Ի դեպ, կար մի ժամանակ, երբ Միրզոյանը չէր ուզում անգամ կանգնել լևոնական Վլադիմիր Կարապետյանի կողքին, քանզի չէր ընդունում վերջինիս մոտեցումները Արցախի խնդրի կարգավորման հարցում: Տեսնես՝ հիմա ինչպե՞ս են նրանք շփվում և ի՞նչն է միավորում նրանց:

Կորյուն Մանուկյան

Այս խորագրի վերջին նյութերը

«Իմ քայլը» դաշինքը հրաժարվե՞ց Նիկոլ Փաշինյանից

«Իմ քայլը» դաշինքը հրաժարվե՞ց Նիկոլ Փաշինյանից

Մայիս 26, 2019 13:00 Ումի՞ց է հրաժարվում «Իմ քայլը»՝ բռնության և գրեթե բռնության կոչեր հնչեցնող լյումպեն զանգվածի՞ց, թե՞ այդ զանգվածի կուռք ու խորհրդանիշ Նիկոլ Փաշինյանից։
Նիկոլ Փաշինյանի հունվեյբինների հանրահավաքը տապալվեց

Նիկոլ Փաշինյանի հունվեյբինների հանրահավաքը տապալվեց

Մայիս 26, 2019 12:45 Երեկվա խայտառակությունը ևս մեկ անգամ ցույց տվեց, որ լակոտիզմը մերժվում է հանրության կողմից։ Մերժվում է փաշիզմը։
Նիկոլ Փաշինյանին պետք են մեծ ցնցումներ. ինչո՞ւ

Նիկոլ Փաշինյանին պետք են մեծ ցնցումներ. ինչո՞ւ

Մայիս 24, 2019 13:40 Մնալ փողոցի հույսին նշանակում է գնալ պոպուլիզմի ու մեծ ցնցումների ճանապարհով։
Աշխարհն, այո՛, շուռ է եկել

Աշխարհն, այո՛, շուռ է եկել

Մայիս 24, 2019 12:35 ԱԺ փոխխոսնակի մակարդակով իրենց կողմնակիցներին կոչ են անում գործի դնել «դոնոսի» ինստիտուտը։
Ի՞նչ ցույց տվեց ՀՅԴ–ի հանրահավաքը (ֆոտոշարք)

Ի՞նչ ցույց տվեց ՀՅԴ–ի հանրահավաքը (ֆոտոշարք)

Մայիս 24, 2019 00:10 Հետհեղափոխական Հայաստանում առաջին անգամ Նիկոլի «փողոցային» մենաշնորհը կոտրվեց։ Եվ սա դեռ սկիզբն է։
Հայաստանը «ԶԱՍվեց». Փաշինյանի հերթական ձախողումը

Հայաստանը «ԶԱՍվեց». Փաշինյանի հերթական ձախողումը

Մայիս 23, 2019 10:45 Բայց դե, կարևորը՝ «դուխո՛վ», ժողովո՛ւրդ ջան, դուխո՜վ։
Դեղին քարտ` Փաշինյանին ու իր թրաշամանուկներին

Դեղին քարտ` Փաշինյանին ու իր թրաշամանուկներին

Մայիս 23, 2019 10:20 Եվրոպական հանրությունը բավական կոշտ և աներկբա արձագանքեց «փողոցը» դատարանների վրա քսի տալու արկածախնդիր նախաձեռնությանը։
«Հեղափոխական Հայաստանի» 2 ամիսն ու 2  թիվը

«Հեղափոխական Հայաստանի» 2 ամիսն ու 2 թիվը

Մայիս 22, 2019 21:50 Ի՞նչ տեղի ունեցավ այս 2 ամսվա ընթացքում, և ինչո՞ւ է 2 թվին հաջորդել 2-ը։
Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Մայիս 21, 2019 14:25 Փաշինյանն Ադրբեջանում ոգևորություն է առաջացրել, և հիմա այնտեղ քննարկվում է Արցախի վրա կայծակնային հարձակում իրականացնելու հնարավորությունը:
«Ժողովրդի» սրտի դատախազը (տեսանյութ)

«Ժողովրդի» սրտի դատախազը (տեսանյութ)

Մայիս 21, 2019 13:40 Սիրուց մինչև ատելություն և հակառակ ուղղությամբ ընդամենը մեկ «Մարտի 1»-ի գործ է:
«Ծերուկն» անտանելի է դառնում

«Ծերուկն» անտանելի է դառնում

Մայիս 21, 2019 09:45 Իր անփառունակ կառավարումը երկարաձգելու միակ շանսը սահմանադրական կարգն անշրջելիորեն տապալելն է։
Նիկոլ Փաշինյանի ինքնախոստովանական ցուցմունքը

Նիկոլ Փաշինյանի ինքնախոստովանական ցուցմունքը

Մայիս 20, 2019 13:50 Քա՛յլ արա, մերժի՛ր թուրքին։
Ում արածներն է կրկնում Նիկոլ Փաշինյանը

Ում արածներն է կրկնում Նիկոլ Փաշինյանը

Մայիս 20, 2019 11:20 Ռոբերտ Քոչարյանի հետ կապված դատարանի որոշումն ընդամենը առիթ էր Փաշինյանի համար։
Փողոցային «արդարադատություն» (տեսանյութ)

Փողոցային «արդարադատություն» (տեսանյութ)

Մայիս 19, 2019 12:35 Եթե Նիկոլ Փաշինյանին թվում է, որ հասարակությանը՝ ամբոխ, իսկ ամբոխին՝ ոհմակ սարքելու արդյունքում ինքը շահելու է, ապա չարաչար սխալվում է։
Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Մայիս 18, 2019 08:14 Քոչարյանը «փախուստի դիմող» չէ. ազատության մեջ մնալով` չի փորձի խոչընդոտել արդարադատությանը, ինչպես ժամանակին` Նիկոլը և Վանոն։
Նիկոլ Փաշինյանի «քուանշը» Արթուր Դավթյանը սրել է (տեսանյութ)

Նիկոլ Փաշինյանի «քուանշը» Արթուր Դավթյանը սրել է (տեսանյութ)

Մայիս 17, 2019 18:10 Նիկոլ Փաշինյանի համար Արթուր Դավթյանն այժմ Քոչարյանի «գործով» նրա գլխավոր ներկայացուցիչն ու հույսն է դատարանում:
«TV 5»-ի սեփականատեր Արմեն Թավադյանի դեմ գործ է հարուցվում

«TV 5»-ի սեփականատեր Արմեն Թավադյանի դեմ գործ է հարուցվում

Մայիս 17, 2019 17:15 Սա ամբողջությամբ տեղավորվում է Նիկոլ Փաշինյանի՝ իր կողմից չվերահսկվող լրատվամիջոցների դեմ արշավ սկսելու անթաքույց ցանկության շրջանակներում:
Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Մայիս 17, 2019 13:40 Ռոբերտ Քոչարյանի «գործն» աննախադեպ է բոլոր առումներով։ Այն ամբողջությամբ քաղաքական է։ Իրավական մասը «ջուր» է և կողմնակալ։
Պատային իրավիճակ. ի՞նչ անել, երբ «քայլելու» տեղ չունես

Պատային իրավիճակ. ի՞նչ անել, երբ «քայլելու» տեղ չունես

Մայիս 16, 2019 17:20 Ստեղծված «ոչ կոնվենցիոնալ» իրավիճակում Փաշինյանը դեմքը փրկելու մի՛ տարբերակ ունի ...
Արմեն Սարգսյանի հրապարակային երկրորդ «ապտակը» Նիկոլ Փաշինյանին

Արմեն Սարգսյանի հրապարակային երկրորդ «ապտակը» Նիկոլ Փաշինյանին

Մայիս 16, 2019 16:00 Սարգսյանն ընդառաջ չգնաց Փաշինյանի «կապրիզներին»: Ո՞վ կհաղթի նյարդերի այս պատերազմում:

Երկրորդ փուլի ցինիզմը

Մայիս 27, 2019 11:49