Խմբագրական

Հուլիս 29, 2011 23:26

«Հեռուստաբանավեճին» սպասելիս

«Հեռուստաբանավեճին» սպասելիս

2003–ի նախագահական ընտրությունների ժամանակ ընդդիմադիր դաշտի առաջատարը Ստեփան Դեմիրճյանն էր՝ իր հայտնի «Մենք գիտենք ինչ անել, ինչպես անել և ումով անել» կարգախոսով, որը հետընտրական փուլում տրանսֆորմացվեց «Մենք գնում ենք սահմանադրական ճանապարհով»–ի, և վերջ։

Արձանագրենք, որ պարտվելուց հետո Դեմիրճյանը, չնայած իշխանության բազում փորձերի, չգնաց «երկխոսության», այլ գերադասեց  արժանապատիվ կեցվածքը։

Նույն 2003–ին հակաիշխանական դիրքերից հանդես եկող նախագահի մեկ այլ թեկնածու Արտաշես Գեղամյանն իր վարկանիշով զիջում էր ՀԺԿ առաջնորդին և պետք է որոշում կայացներ՝ կա՛մ միանալ Դեմիրճյանին, կա՛մ «երկխոսել» իշխանության հետ։

Ինչպես հայտնի է, իշխանությունն անհանգստացած էր և սարսափում էր ընդդիմադիր դաշտի միասնականությունից։ «Զրոներն» իրենց գործն արեցին ու Գեղամյանն ընտրեց «երկխոսության» ճանապարհը՝ Հանրային հեռուստատեսության ուղիղ եթերում «հաղթելով» այն ժամանակվա պաշտպանության նախարար ու համատեղությամբ Ռոբերտ Քոչարյանի շտաբի պետ Սերժ Սարգսյանի հետ «հեռուստաբանավեճում»։ Գեղամյանն իր այդ քայլով նպաստեց իշխանության վերարտադրմանը և դարձավ ներքաղաքական «կայունության» երաշխիքը։

«Հեռուստաբանավեճում» գիտակցաբար գնալով պարտության՝ իշխանությունը խնդիր էր դրել արհեստականորեն բարձրացնել Գեղամյանի վարկանիշը, թույլ չտալ ընդդիմադիր դաշտի ու հակաիշխանական քվեի կոնսոլիդացիա, ինչպես նաև ապակողմնորոշել բողոքական էլեկտորատին։ Այդպես էլ եղավ։

Ճիշտ է, Ստեփան Դեմիրճյանն իր ընդդիմադիր առաջատարի դիրքերը պահպահեց ու թուլ չտվեց մեկ փուլով ավարտել ընտրությունը, բայց իշխանությանը հաջողվել էր ընտրողների մոտ 15 տոկոսին համոզել, որ, ասենք, ՀԺԿ առաջնորդից ու նրան միացած Արամ Զավենի Սարգսյանից Հոկտեմբերի 27–ի դեպքերի հետ կապված ավելի թունդ որակումներով հանդես եկող «Ազգային միաբանության» ղեկավարն ընդդիմադիր է։ Արդյունքում՝ ընդդիմադիր ձայները փոշիացան, իսկ երկրորդ փուլում Գեղամյանն ընդհանրապես գնաց տուն և, ինչպես լինում է «երկխոսված» գործչի պարագայում, անգամ կոչ չարեց իր ընտրողներին ձայնը տալ Դեմիրճյանին։

Հետագա զարգացումներն արդեն բոլորին հայտնի են. չիրականացան Գեղամյանի երազանքները վարչապետ դառնալու մասով, քանի որ իշխանությունը նրան պարզապես «քցեց»։ Դրանից հետո սկսվեց Սերժ Սարգսյանի ու Արտաշես Գեղամյանի հրապարակային բանավեճը, որն, ի տարբերություն «հեռուստաբանավեճի», սարքովի չէր և կողմերը միմյանց հայհոյում էին ամենայն անկեղծությամբ. «երկխոսության» փուլն ավարտվել էր։

Այդ օրերին էր, որ Ս. Սարգսյանը շրջանառության մեջ դրեց Գեղամյանի «դատարկ դհոլ» լինելու և «մի զրո պակաս արժենալու» մասին իր «ժողգործիքային» ձևակերպումները։

Տարիներն անցան, և հիմա Գեղամյանը Սարգսյանին է գովում ու նրան  պաշտպանող հոդվածներ գրում։ 2003–ին Գեղամյանին ձայն տվողներից, թերևս, քչերի մտքով կանցներ, որ այսօր այդ «ընդդիմադիր» գործիչը սազն առած Սերժ Ազատիչ է գովելու թերթերի ու կայքերի էջերից և հեռուստաէկրաններից։ Ո՞վ կպատկերացներ, որ Սարգսյանից «բրոնեժիլետով» պաշտպանվող Գեղամյանը կվերածվի նույն այդ Սարգսյանի հրապարակային պաշտպանի՝ քաղաքական  «բրոնեժիլետի»։ Ինչևէ։

Իսկ հիշեցի այս ամենը, քանի որ հիմա յուրօրինակ «դեժավյու» եմ ապրում՝ հետևելով  Լևոն Տեր–Պետրոսյանի ու Սերժ Սարգսյանի «հակամարտությանը»։

Երբ կարդացի Հայ ազգային կոնգրեսի «պահանջը» դասական գյալաջի հիշեցնող երկխոսությունը ուղիղ եթերով հեռարձակելու մասին՝ հասկացա, որ Սարգսյանը կիրառում է փորձված մեթոդը։

Տեսե՛ք. Կոնգրեսում ուզում են, որպեսզի հեռուստաբանավեճ լինի և իրենք  ուղիղ եթերում հաղթեն իշխանության աշխատանքային խմբին։ Համաձայնե՛ք, որ «դեժավյուի» զգացողությունն անհիմն չէ։

Փաստորեն, Սերժ Սարգսյանի գործելաոճը չի փոխվել։ Այն շատ պարզունակ է, բայց դեռ տալիս է իր արդյունքները։ Հիմա էլ ՀԱԿ–ն է ուզում եթերային «հաղթանակ» տանել։

Դե ինչ, երևի հեռու չէ այն օրը, երբ Լևոն Տեր–Պետրոսյանը «հեռուստաբանավեճում» պարտության կմատնի Սերժ Սարգսյանին։ Այդ «պարտությամբ» Սարգսյանին կհաջողվի ընդդիմադիր էլեկտորատի մի մասին համոզել, որ ՀԱԿ առաջնորդն է «կինոյի մեջի տղան», բայց հազիվ թե կարողանա հաջողել իր ծրագրերում, քանի որ Գեղամյանի պես տաղանդավոր դերասանի մոտ նույնիսկ չստացվեց ամբողջությամբ լուծել իր խնդիրը, էլ ուր մնաց «էն գլխից» «Եղիազար Այնթապցու» հլու–հնազանդ «էջմիածնական միաբանը» դառնալու պատրաստակամություն հայտնածին հաջողվի մոլորեցնել ամբողջ հանրությանը։ Այնպես որ Սերժ Սարգսյանի հաճախորդացման ռեսուրսը սահմանափակ է։

Ժամանակն աշխատում է «երկխոսողների» դեմ։

Անդրանիկ Թևանյան

Հ.Գ.։ Ի դեպ, 2003–ի «երկխոսության» շրջանակներում տեղի ունեցած «հեռուստաբանավեճի» ընթացքում Արտաշես Գեղամյանը չափազանց կոշտ գնահատականներ էր տալիս իշխանության վարած քաղաքականությանը և պահանջում Ռոբերտ Քոչարյանի հրաժարականը, բայց միևնույն ժամանակ առանձնահատուկ հարգանքով էր խոսում հեռուստատաղավարում իր դիմացը նստած Սերժ Սարգսյանի հետ՝ օգտագործելով «Հարգարժան Սերժ Ազատիչ» դիմելաձևը։

Այսօր Սերժ Սարգսյանի հետ «երկխոսող» Լևոն Տեր–Պետրոսյանը նույնպես պահանջում է Ռոբերտ Քոչարյանի հրաժարականը՝ «մոռանալով», որ Քոչարյանը, ի տարբերություն 2003–ի, պաշտոնաթող նախագահ է: Ուշագրավ է, որ Տեր–Պետրոսյանն էլ Գեղամյանի պես առանձնահատուկ հարգանքով է արտահայտվում Սերժ Սարգսյանի մասին։

Մի բան էլ. գեղամյանական «երկխոսության» ժամանակների հետ համեմատած այժմյան տարբերությունն այն է, որ Տեր–Պետրոսյանին դեռ հնարավորություն չի տրվում  Սարգսյանի հանդեպ ունեցած իր դրական վերաբերմունքն արտահայտել  հեռուստատաղավարում, և ՀԱԿ առաջնորդը ստիպված է բավարարվել Օպերայի բակում կիզիչ արևի տակ տեղի ունեցող հանրահավաքային ելույթում  ՀՀԿ «ճկուն» ղեկավարի խոսքերը մեջբերելով։

Print Friendly and PDF

Այս խորագրի վերջին նյութերը

88-ից առաջ և հետո

88-ից առաջ և հետո

Փետրվարի 20, 2018 10:15 1988-ին կամ 1991-ին տեղի ունեցած անկախության հանրաքվեի ժամանակ ո՞ւմ մտքով կանցներ, որ 30 տարի անց ունենալու ենք գալուստսահակյանական վերնախավ:
30 տարի անց. հաղթանակներ և պարտություններ

30 տարի անց. հաղթանակներ և պարտություններ

Փետրվարի 19, 2018 18:02 Ճակատագրի հեգնանքով՝ Ղարաբաղյան շարժման 30-ամյակը համընկնում է մեզանում խորհրդային կառավարման մոդելի և գենսեկական ինստիտուտի վերականգնման հետ:
Մարտեր առանց կանոնների

Մարտեր առանց կանոնների

Փետրվարի 14, 2018 21:30 ՀՀ իշխանությունները ներդրել են «մարտեր առանց կանոնների» մոդելը. եթե փողի միջոցով ոչնչացվել է ժողովրդավարության աստվածը՝ ընտրական ինստիտուտը, ապա, կարամազովյան տրամաբանությամբ, ամեն ինչ կարելի է:
88-ի շարժման խեղաթյուրումը և Սամվել Բաբայանի դեմ արշավը

88-ի շարժման խեղաթյուրումը և Սամվել Բաբայանի դեմ արշավը

Փետրվարի 09, 2018 15:05 Կեղծ մատնագրեր գրողներն ու այսօրվա քյաբաբչիները կմաքրվեն կգնան, բայց պատմության մեջ կմնան Սամվել Բաբայանի ու նրա նմանների միջոցով կռած հաղթանակները:
Ինչ կռիվ է սպասվում Հայաստանում

Ինչ կռիվ է սպասվում Հայաստանում

Փետրվարի 01, 2018 12:00 88-ի շարժման արդունքում ձևավորված և իներցիայի շնորհիվ պահպանված Հայաստանի քաղաքական դաշտը մահացավ 2017-ի ապրիլի 2-ին տեղի ունեցած խորհրդարանական ընտրությունների արդյունքում:
«Who is Mister Sargsyan?» (մի քանի հարց ՀՀ նախագահի թեկնածուին)

«Who is Mister Sargsyan?» (մի քանի հարց ՀՀ նախագահի թեկնածուին)

Հունվար 29, 2018 00:05 Արմեն Սարգսյանը ՀՀԿ-ին կի՞ց, թե՞ Հայաստանի նախագահ կդառնա:
Ինչի վրա է հիմնված հայաստանյան ավտորիտարիզմը

Ինչի վրա է հիմնված հայաստանյան ավտորիտարիզմը

Հունվար 26, 2018 11:50 1991-ին անկախություն ձեռքբերելուց հետո Հայաստանը ոչ մի կերպ չի կարողանում դուրս գալ անցումային փուլից: Մեզ մոտ ավտորիտարիզմ է:
Ո՞րն է ապագա վարչապետի առաքելությունը

Ո՞րն է ապագա վարչապետի առաքելությունը

Հունվար 10, 2018 11:44 Շրջանառվող անուններից որևէ մեկը առաքելություն չի ձևակերպել: Եթե մի կողմ թողնենք կենացային հայտարարությունները, ապա առարկայական ոչինչ չի արվում ու ոչինչ չի ասվում:
Ինչպիսի՞ն կլինի քաղաքական 2018-ը

Ինչպիսի՞ն կլինի քաղաքական 2018-ը

Հունվար 01, 2018 10:25 2018-ի քաղաքական զարգացումները կանխորոշվել են 2015-ի դեկտեմբերի 2-ին (սահմանադրական հանրաքվե) և 2017-ի ապրիլի 2-ին (խորհրդարանական ընտրություններ):
Ի՞նչ որոշում կկայացնի Սամվել Բաբայանի գործով դատավորը

Ի՞նչ որոշում կկայացնի Սամվել Բաբայանի գործով դատավորը

Նոյեմբեր 24, 2017 11:20 Դատավոր Արշակ Վարդանյանին չես նախանձի: Նրանից հիմա պահանջում են ադրբեջանցիներից ավելի ադրբեջանցիություն անել՝ 7 տարով անազատության մեջ պահել Բաբայանին:
Դատավարությունից հետո և պատերազմից առաջ

Դատավարությունից հետո և պատերազմից առաջ

Նոյեմբեր 14, 2017 23:55 Շատ խորհրդանշական է, որ երբ Ղարաբաղի հարցում ինտենսիվ գործընթացներ են տեղի ունենում, Հայաստանում դատում են «կոմանդույուշչի» Սամվել Բաբայանին:
Արժանի՞ ենք արդյոք անկախ պետություն ունենալուն

Արժանի՞ ենք արդյոք անկախ պետություն ունենալուն

Սեպտեմբեր 21, 2017 15:50 Հիմա սև ամպեր են կուտակվել մեր անկախ պետության գլխավերևում, քանզի քաղաքական իշխանությունը ձախողել է Ղարաբաղյան հակամարտության կարգավորման գործընթացը:
Ինչ է սպասվում Հայաստանում. տնտեսաքաղաքական փոփոխությունների հնարավոր սցենարների մասին

Ինչ է սպասվում Հայաստանում. տնտեսաքաղաքական փոփոխությունների հնարավոր սցենարների մասին

Մայիս 30, 2017 10:35 Հայաստանի գրեթե բոլոր մակրոքաղաքական խնդիրները տնտեսական կյանքի արտացոլանքն են:
Ինչպես է հանձնվում Շուշին, և ինչպես այն ազատագրել

Ինչպես է հանձնվում Շուշին, և ինչպես այն ազատագրել

Մայիս 09, 2017 14:30 Շուշին կրկին պետք է ազատագրել՝ մեր երկրի ներսում իրավիճակ փոխելով: Արտաքին թշնամին վտանգավոր չէ: Վտանգը ներսում է:
«Ազգ-ընտրազանգվածից» մինչև «ազգ-բանակ»

«Ազգ-ընտրազանգվածից» մինչև «ազգ-բանակ»

Ապրիլ 22, 2017 07:45 Անգաղափար իշխանությունը փողով միայն վարձկաններ կարող է պահել, մեկ էլ՝ «ռեյտինգային» թեկնածուներ:
Ինչի մասին են «լռում» Սերժ Սարգսյանը և Լևոն Տեր-Պետրոսյանը

Ինչի մասին են «լռում» Սերժ Սարգսյանը և Լևոն Տեր-Պետրոսյանը

Դեկտեմբեր 21, 2016 01:40 Ղարաբաղյան հակամարտության կարգավորման տերպետրոսյանական բանաձևի համաձայն՝ Ղարաբաղը պետք է լինի Ադրբեջանի կազմում:
«Haqqin.az»-ը «սենսացիոն» է որակել Տեր-Պետրոսյանի ելույթը

«Haqqin.az»-ը «սենսացիոն» է որակել Տեր-Պետրոսյանի ելույթը

Դեկտեմբեր 19, 2016 10:25 ՀԱԿ առաջնորդի մոտեցումներն ամբողջությամբ տեղավորվում են, այսպես կոչված, «Բաքվի խաղաղության պլատֆորմի» շրջանակներում:
Ի՞նչ անել. ախտորոշում, ախտահանում, սանացիա և սանիտարական հատում

Ի՞նչ անել. ախտորոշում, ախտահանում, սանացիա և սանիտարական հատում

Նոյեմբեր 02, 2016 01:35 Անդրանիկ Թևանյան. «Մեր երկիրը հայտնվել է անորոշության, տնտեսական ծուղակի և արատավոր փակ շղթայի մեջ»:
Ապստամբության իրավունքի մասին

Ապստամբության իրավունքի մասին

Հուլիս 26, 2016 10:25 Սերժ Սարգսյանը որևէ պետական առաքելություն չունի. նա տապալել է արտաքին ու ներքին քաղաքականությունը, ձախողվել է պետականաշինության գործում և պետք է հեռանա, բայց շատ կարևոր է, որ նա հեռանա առանց ցնցումների:
Պատրաստ լինել երեք սցենարի

Պատրաստ լինել երեք սցենարի

Հունիս 10, 2016 10:00 Ֆորսմաժորային իրավիճակ կարող է առաջանալ, եթե Ղարաբաղի հարցում Սերժ Սարգսյանը գնա կազանյան, այն է՝ հակամարտության կարգավորման տխրահռչակ փուլային տարբերակով: