Այսօր վաղ առավոտից «Նաիրիտ» գործարանի դիմաց հավաքված աշխատակիցները, դժգոհ վարչապետի հետ նախորդ հանդիպման արդյունքներից, նորից բողոքի ցույց էին կազմակերպել՝ պահանջելով կուտակված պարտքի ամբողջական մարում:

Գործարանի ժամանակավոր տնօրեն Ռուբեն Սաղաթելյանն ասել է, որ տնօրենների խորհուրդը պահանջելու է Կառավարությունից, որի մոտ է գտնվում գործարանի բաժնետոմսերի 10 տոկոսը, մարել աշխատավարձի բոլոր պարտքերը, ինչպես նաև դատի տալ «Նաիրիտ 2»-ին և աշխատողներին վերադարձնել տարիներ առաջ Չինաստանին վաճառած երրորդ հոսքագծից ստացված հասույթը:

Հիշեցնենք՝ ՀՀ վարչապետ Հովիկ Աբրահամյանը հաստատել էր, որ գործարանի աշխատողներին այս ամիս կվճարվի մեկ աշխատավարձ, մեկն էլ, հավանաբար, հունվար ամսին, որից հետո ողջ անձնակազմը կդառնա գործազուրկ։

7or.am