Այս պահին ՀՀ կառավարության շենքի մոտ կրկին բողոքի գործողություն են իրականացնում փոքր ու միջին ձեռնարկատերերը։ Նրանք պահանջում են կասեցնել 2015թ. փետրվարի 1-ից ուժի մեջ մտնող «Շրջանառության հարկի մասին» օրենքի այն դրույթը, համաձայն որի՝ շրջանառության հարկի դրույքաչափը 3,5 տոկոսից նվազեցվում է 1 տոկոսի, իսկ տնտեսվարողները պարտավոր են հարկայինին իրենց ապրանքների շրջանառության փաստաթղթերը ներկայացնել:

«7օր»–ի թղթակիցը հայտնում է, որ ցուցարարների մոտ է դուրս եկել ՀՀ կառավարության նամակների և դիմումների բաժնի պետ Ալեքսանդր Ղազարյանը՝ առաջարկելով 10–հոգանոց խումբ կազմել և 13։30–ին բարձրանալ վարչապետ Հովիկ Աբրահամյանի մոտ՝ քննարկման։ ՓՄՁ–ների ներկայացուցիչները, սակայն, մերժել են այս առաջարկը։

7or.am