ՀՀ ԱԺ այսօրվա արտահերթ նիստում քննարկվող օրենսդրական փաթեթի համաձայն՝ շինարարական աշխատանք կատարելու համար արտերկիր մեկնած ՀՀ քաղաքացիները պայմանագիր պետք է կնքեն ՀՀ-ում գործող որևէ կազմակերպության հետ։

–13% եկամտահարկը և 5% տոկոս շահութահարկն էլ կվճարվի ՀՀ պետական բյուջե,–ասել է հիմնական զեկուցող, ՀՀ ֆինանսների փոխնախարար Վախթանգ Միրումյանը,–արտերկրում շինարակական աշխատանքներ են կատարում մեր հայրենակիցները, բայց Հայաստանում որևէ տեղ գրանցված չեն որպես վարձու աշխատող: Օրենքի ընդունումից հետո նրանք կգրանցվեն ՀՀ համապատասխան գործատուի մոտ, և այդ կազմակերպությունը ծառայություններ կմատուցի դրսի համապատասխան կազմակերպությանը: Այլապես ստացվում է, որ արտագնա աշխատանքի մեկնած ՀՀ քաղաքացիները տվյալ պետությանն են եկամտահարկ մուծում: Այս դեպքում միայն մեր երկրում եկամտահարկ կգանձվի, իսկ ՌԴ-ում կազատվեն դրանից։

Փոխնախարարը վստահ է, որ այս օրինագիծը չի նպաստի արտագաղթին, այլ հակառակը՝ կխթանի, որ արտագնա աշխատանքի մեկնողները Հայաստանում գրանցեն իրենց գործունեությունը։

7or.am