Սևանա լճում սիգի պաշարների մեծանալուն զուգընթաց՝ շատացել են որսագողության դեպքերը։ Այս մասին այսօրվա ասուլիսին ասել է Ձկնաբանության և հիդրոէկոլոգիայի կենտրոնի տնօրեն Բարդուղ Գաբրիելյանը։

Բանախոսի տվյալներով՝ սիգի պաշարները հասել են 300-350 տոննայի:

–Ամբողջ աշխարհում ընդունված է, որ չի կարելի որսալ գոնե մեկ անգամ սերունդ չտված կենդանուն, իսկ մեզ մոտ որսում են անգամ փոքրիկ ձկներին, ինչն անթույլատրելի է. պետությունը պարտավոր է խստորեն վերահսկել ձկնորսությունը,–նկատել է Գաբրիելյանը։

Վերջինի խոսքերով՝ ամենավատ վիճակում են շարունակում մնալ Սևանի կողակն ու բեղլուն, որոնց վերականգնման համար երկար տարիներ են պետք։ Սևանի խեցգետինն էլ թեև քանակապես չի պակասել, բայց մանրացել է։

7or.am