-Ոստիկանությունը ցույց տվեց, թե ինչպես է գործելու, ու սահմանադրական փոփոխություններից հետո ցանկանում են շարունակել այս ճանապարհով: Այսինքն, ցանկացած մեկ հատ պլակատ ուզում ենք վերցնենք, մեր խոսքի ազատության իրավունքն իրականացնենք, փորձում են պլակատները քաշել,-ԱԺ մոտ տեղի ունեցած ցույցի ժամանակ ասել է «Չե՛ք անցկացնի» քաղաքացիական նախաձեռնության անդամ Արմեն Գրիգորյանը:

-Սպասում ենք՝ իմանալու, թե ովքեր են այն պատգամավորները, որ երկիրը կործանող Սահմանադրությանը փորձում են «Այո» ասել, ու նաև՝ շարունակել մեր պայքարը: Ընդամենը մի քանի հարյուր հոգով հավաքվել ենք, արդեն ամբողջ Բաղրամյանում ոստիկանություն է, - ասել է նա:

–Ես համոզված եմ՝ եթե մենք դառնանք 50 հազար, ապա իրենց 15–հազարանոց ոստիկանությունն էլ չի աշխատի:

Արմեն Գրիգորյանն ասել է, որ քաղաքացիական նախաձեռնությանը մնում է փողոցային պայքարը:

Աղբյուրը՝ «Zham.am»