2016թ. բյուջեի նախագծով Էներգետիկայի և բնական պաշարների նախարարությանը հատկացվելու է 32 մլրդ 924 մլն դրամ: Այս մասին ԱԺ–ում պետբյուջեի քննարկման ժամանակ հայտնել է ֆինանսների փոխնախարար Պավել Սաֆարյանը:

Այս գումարը, նախորդ տարվա համեմատ, 4.6 անգամ ավելի է։

2016թ. իրականացվելու է 12 ծրագիր՝ արտաքին աղբյուրներից ստացվող նպատակային վարկերի և դրամաշնորհների միջոցներով։

Մասնավորապես, 4 մլրդ 777 մլն դրամ է նախատեսված Համաշխարհային բանկի աջակցությամբ իրականացվող Էլեկտրամատակարարման հուսալիության ծրագրով։

Ռուսաստանի աջակցությամբ Հայաստանի ԱԷԿ-ի 2 էներգաբլոկի շահագործման ժամկետի երկարացման ծրագրով՝ 4 մլրդ 250 մլն դրամ:

Վերակառուցման և զարգացման միջազգային բանկի աջակցությամբ Երևանի ՋԷԿ-ի ենթակայանի վերակառուցման ծրագրով՝ 1 մլրդ 203 մլն դրամ:

7or.am