Ճապոնիայի պաշտպանության նախարար Գեն Նաքաթանին հայտարարել է, որ հրաման է տվել խոցել հյուսիսկորեական հրթիռները։ Այս մասին հայտնում է «Գազետան»՝ «Kyodo»–ին հղումով։

Գործակալության տեղեկատվությամբ՝ պաշտպանական գերատեսչության ղեկավարի հրամանը կգործի մինչև փետրվարի 25–ը, սակայն անհրաժեշտության դեպքում այդ ժամկետը կարող է երկարաձգվել։

Նախնական տվյալներով՝ հյուսիսկորեական հրթիռը կարող է թռչել Ճապոնիայի հարավում գտնվող Սակիսիմա արշիպելագի վրայով փետրվարի 8–25–ն ընկած ժամանակահատվածում։

Ավելի վաղ Ճապոնիայի վարչապետ Սինձո Աբեն հայտարարել էր, որ կհամագործակցի ԱՄՆ–ի և այլ երկրների հետ՝ ԿԺԴՀ–ից «վճռականորեն պահանջելու» հրաժարվել հրթիռի արձակումից, որը, ըստ Հյուսային Կորեայի, իրականանալու է ազգային տիեզերական ծրագրի զարգացման շրջանակներում։

7or.am