Մալաթիա-Սեբաստիան ճանաչվել է «Լավագույն ձևավորված վարչական շրջան»
Մալաթիա-Սեբաստիան ամանորյա ձևավորման մրցույթում ճանաչվել է «Լավագույն ձևավորված վարչական շրջան»։
Երևանի քաղաքապետի տեղակալ Դավիթ Օհանյանը Երևանի քաղաքապետի պատվոգրեր է հանձնել «Ամենագեղեցիկ տոնական ձևավորում» ամենամյա մրցույթի հաղթողներին: Մրցույթը հայտարարվում է Երևանի քաղաքապետարանի կողմից և անցկացվում է Ամանորի և Սուրբ Ծննդյան տոների առիթով:
Այս մասին հայտնում են Երևանի քաղաքապետարանի լրատվական ծառայությունից։
Հաղթողներին որոշելիս հաշվի է առնվել ոչ միայն ձևավորման ինքնատիպությունը, այլև համապատասխանությունը Երևանի քաղաքապետարանի կողմից սահմանված որոշակի չափորոշիչներին:
Մրցույթն այս տարի անցկացվել է երկու անվանակարգով՝ լավագույն ձևավորված վարչական շրջան, լավագույն ձևավորված կազմակերպություն: Բացի այդ, վարչական շրջանները ներկայացրել էին վարչական շրջանի տարածքում ամանորյա տոնական ձևավորմամբ աչքի ընկած անհատ ձեռներեցներին և կազմակերպություններին, որոնցից լավագույնները պարգևատրվել են Երևանի քաղաքապետի շնորհակալագրերով:
Երևան քաղաքի ամանորյա ձևավորման մրցույթում «Լավագույն ձևավորված վարչական շրջան» անվանակարգում առաջին տեղը զբաղեցրել է Մալաթիա-Սեբաստիա վարչական շրջանը, երկրորդն է ճանաչվել Ավան վարչական շրջանը: Եռյակը եզրափակել է Արաբկիր վարչական շրջանը: «Լավագույն ձևավորված կազմակերպություն» անվանակարգում առաջին տեղը զբաղեցրել է «Դալմա Ինվեստ» ՍՊԸ / Մալաթիա-Սեբաստիա վարչական շրջան/, երկրորդը` «Վոտչ Վորլդ» ՍՊԸ /Կենտրոն վարչական շրջան/, իսկ երրորդ տեղը կիսել են «Ֆրիզե» ՍՊԸ / Նոր Նորք վարչական շրջան/ և «ԱրմենԱկոբ» ՍՊԸ / Մալաթիա-Սեբաստիա վարչական շրջան/:
Վարչական շրջանների մի շարք տնտեսվարողներ արժանացել են Երևանի քաղաքապետի շնորհակալագրերի:
Հիշեցնենք, որ համաձայն Երևան քաղաքի ավագանու համար 48-Ն որոշման՝ սահմանվել է Երևան քաղաքի վարչական սահմաններում գտնվող անշարժ գույքի և դրան հարակից ընդհանուր օգտագործման տարածքի պարտադիր բարեկարգման կարգը, ըստ որի պետք է իրականացվի քաղաքային նշանակության փողեցներում գտնվող առևտրային նշանակության օբյեկտների տոնական զարդարումը`Ամանորի և Սուրբ Ծննդյան տոներին`յուրաքանչյուր տարվա դեկտեմբերի 25-ից մինչև հաջորդ տարվա հունվարի 13-ը ներառյալ:
Մալաթիա-Սեբաստիան ճանաչվել է «Լավագույն ձևավորված վարչական շրջան»
Մալաթիա-Սեբաստիան ամանորյա ձևավորման մրցույթում ճանաչվել է «Լավագույն ձևավորված վարչական շրջան»։
Երևանի քաղաքապետի տեղակալ Դավիթ Օհանյանը Երևանի քաղաքապետի պատվոգրեր է հանձնել «Ամենագեղեցիկ տոնական ձևավորում» ամենամյա մրցույթի հաղթողներին: Մրցույթը հայտարարվում է Երևանի քաղաքապետարանի կողմից և անցկացվում է Ամանորի և Սուրբ Ծննդյան տոների առիթով:
Այս մասին հայտնում են Երևանի քաղաքապետարանի լրատվական ծառայությունից։
Հաղթողներին որոշելիս հաշվի է առնվել ոչ միայն ձևավորման ինքնատիպությունը, այլև համապատասխանությունը Երևանի քաղաքապետարանի կողմից սահմանված որոշակի չափորոշիչներին:
Մրցույթն այս տարի անցկացվել է երկու անվանակարգով՝ լավագույն ձևավորված վարչական շրջան, լավագույն ձևավորված կազմակերպություն: Բացի այդ, վարչական շրջանները ներկայացրել էին վարչական շրջանի տարածքում ամանորյա տոնական ձևավորմամբ աչքի ընկած անհատ ձեռներեցներին և կազմակերպություններին, որոնցից լավագույնները պարգևատրվել են Երևանի քաղաքապետի շնորհակալագրերով:
Երևան քաղաքի ամանորյա ձևավորման մրցույթում «Լավագույն ձևավորված վարչական շրջան» անվանակարգում առաջին տեղը զբաղեցրել է Մալաթիա-Սեբաստիա վարչական շրջանը, երկրորդն է ճանաչվել Ավան վարչական շրջանը: Եռյակը եզրափակել է Արաբկիր վարչական շրջանը: «Լավագույն ձևավորված կազմակերպություն» անվանակարգում առաջին տեղը զբաղեցրել է «Դալմա Ինվեստ» ՍՊԸ / Մալաթիա-Սեբաստիա վարչական շրջան/, երկրորդը` «Վոտչ Վորլդ» ՍՊԸ /Կենտրոն վարչական շրջան/, իսկ երրորդ տեղը կիսել են «Ֆրիզե» ՍՊԸ / Նոր Նորք վարչական շրջան/ և «ԱրմենԱկոբ» ՍՊԸ / Մալաթիա-Սեբաստիա վարչական շրջան/:
Վարչական շրջանների մի շարք տնտեսվարողներ արժանացել են Երևանի քաղաքապետի շնորհակալագրերի:
Հիշեցնենք, որ համաձայն Երևան քաղաքի ավագանու համար 48-Ն որոշման՝ սահմանվել է Երևան քաղաքի վարչական սահմաններում գտնվող անշարժ գույքի և դրան հարակից ընդհանուր օգտագործման տարածքի պարտադիր բարեկարգման կարգը, ըստ որի պետք է իրականացվի քաղաքային նշանակության փողեցներում գտնվող առևտրային նշանակության օբյեկտների տոնական զարդարումը`Ամանորի և Սուրբ Ծննդյան տոներին`յուրաքանչյուր տարվա դեկտեմբերի 25-ից մինչև հաջորդ տարվա հունվարի 13-ը ներառյալ: