Փետրվարի 11-ին՝ ժամը 01.54-ին, ՏԿԱԻՆ–ում ահազանգ է ստացվել, որ Լոռու մարզի Վանաձոր քաղաքի Բաղրամյան պողոտայի «Գանձակ» սուպերմարկետի մոտակայքում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ դեռևս չբացահայտված հանգամանքներում Վանաձոր քաղաքի «Ուկրշին» տնակային ավանի 3-րդ տնակի հարևանությամբ «ԳԱԶ 24» մակնիշի 35 TL 269 պետհամարանիշի ավտոմեքենան (վարորդը դեպքի վայրում չի գնտվել) բախվել է «Զիլ» մակնիշի 748 LL 36 պետհամարանիշի աղբատար մեքենային (վարորդ՝ Գ. Թ.):

Հրշեջ-փրկարարները «ԳԱԶ 24» մակնիշի ավտոմեքենայի ուղևոր, 1986 թ. ծնված Վ. Ա.-ին դուրս են բերել ավտոմեքենայից և մոտեցրել շտապօգնության ավտոմեքենային, վերջինս հոսպիտալացվել է Վանաձորի բժշկական կենտրոն, որտեղ բժիշկները տուժածի առողջական վիճակը գնահատել են ծանր:

Հրշեջ-փրկարարները հոսանքազրկել են ավտոմեքենան և փակել գազի բալոնի փականը: