Ամերիկացի գիտնականները հայտարարել են, որ հնարել են հեղափոխական թերապիա, որի շնորհիվ արյան քաղցկեղը հնարավոր կդառնա բուժել նույնիսկ ամենավերջին փուլում:

«Pravda.Ru»-ի փոխանցմամբ՝ անցկացված հետազոտությունների արդյունքում պարզվել է, որ գենետիկորեն ձևափոխված իմունային բջիջների՝ Т–լիմֆոցիտների կիրառմամբ իրականացված բուժումից հետո հիվանդների 90%-ն ամբողջությամբ ապաքինվել է:

Հետազոտության ղեկավար Սթենլի Ռիդդելը հայտնել է, որ նոր մեթոդի շնորհիվ հաջողվել է բուժել այն հիվանդներին, որոնց ոչ մի բուժում չէր օգնում:

Սակայն գիտնականները նաև տեղեկացրել են, որ նոր մեթոդի կիրառումից հետո որոշ հիվանդներ մահացել են, այդ իսկ պատճառով այն վերամշակման և հավելյալ թեստերի կարիք ունի:

7or.am