Հիմք ընդունելով «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքի 19-րդ հոդվածը` ՀՀ կառավարությունն այսօրվա նիստում որոշում կայացրեց 2016 թվականի մարտի 7-ի աշխատանքային օրը տեղափոխվել 2016 թվականի մարտի 12-ը` շաբաթ օրը:

Հարցը ներկայացրեց ՀՀ կառավարության աշխատակազմի ղեկավար-նախարար Դավիթ Հարությունյանը՝ նշելով, որ, այսպիսով, որոշման համաձայն՝ մարտի 8-ի կապակցությամբ 4 օր կհանգստանան:

Վարչապետ Հովիկ Աբրահամյանն էլ նշեց, որ այդ հարցն իր համար վիճելի է և կառավարության անդամներին առաջարկեց քննարկել այս հարցը.

«Ոնց որ բոլորիդ համար հաճելի էր, հա՞... Առաջարկում եմ՝ կանայք հանգստանան, տղամարդիկ՝ աշխատեն…անհանգստանան: Լավ, եթե դեմ չեք, ուղղակի հաստատենք»:

Որոշումն ընդունվեց միաձայն։

7or.am