Թուրքիայի նախագահ Ռեջեփ Թայիփ Էրդողանը հայտարարել է, որ Անկարայի ահաբեկչության կազմակերպման կասկածանքով 14 մարդ է ձերբակալվել։ Այս մասին հայտնում է «Reuters»–ը։

Ավելի վաղ էլ վարչապետ Ահմեդ Դավութօղլուն հայտարարել էր 9 մարդու ձերբակալության մասին։ Բացի այդ, Դավութօղլուն ահաբեկչության կազմակերպման մեջ էր մեղադրել սիրիացի քրդերին։

Հիշեցնենք՝ նախօրեին Անկարայի կենտրոնում իրականացված ահաբեկչության զոհ է դարձել 28 մարդ, ավելի քան 60–ը՝ վիրավորվել։

7or.am