Բուլղարիայում հարգանքի տուրք են մատուցել ռուս զինվորների հիշատակին, ովքեր զոհվել են 1878թ. ռուս-թուրքական պատերազմում՝ երկիրն ազատագրելու ժամանակ: Հիշատակման արարողությունը տեղի է ունեցել Գորնո Բուգարովո գյուղում, որտեղ կայացել է ճակատագրական մարտը. վերջինի շնորհիվ հնարավոր է դարձել ազատել մայրաքաղաք Սոֆիան թուրքերից: «Вести.ru»-ի փոխանցմամբ՝ հիշատակման արարողությունն անցկացվում է ամեն տարի՝«Մենք հիշում ենք» կարգախոսի ներքո:

«Մարդիկ, ովքեր ցանկանում են կեղծել պատմությունը, պատմում են, որ թուրքական ստրկատիրություն չկար: Իսկ մենք հայտարարում ենք, որ այն կար: Մենք շնորհակալ ենք ռուս ժողովրդին և ամեն տարի նշելու ենք այդ տոնը շնորհիվ նրա», - հայտարարել է սլավոնական համայնքի ղեկավար Էմիլ Միլամովը:

7or.am