ԱՄՆ պետական դեպարտամենտի պաշտոնական ներկայացուցիչ Մարկ Թոները հայտարարել է, որ Սիրիայում կրակի դադարեցման մասին համաձայնությունը վերաբերում է նաև Թուրքիայի կողմից քրդերի դիրքերի ռմբակոծություններին։ Այս մասին տեղեկացնում է «РИА Новости»–ն։

Թոները նշել է, որ թեև ԱՄՆ–ն կիսում է Ազգային ինքնապաշտպանության ջոկատների գործունեության հետ կապված Թուրքիայի մտահոգությունը, բայց և ուզում է, որ թուրքերը դադարեցնեն ռմբակոծությունը։

Նա նաև ընդգծել է, որ Վաշինգտոնն Անկարային կոչ է անում դադարեցնել անարդյունավետ ավիահարվածները սահմանային գոտիներում։

7or.am