ԱՄՆ նախագահի թեկնածու, միլիարդատեր Դոնալդ Թրամփի՝ նախնական ընտրություններում տարած հաղթանակից հետո «Գուգլ» որոնողական համակարգում ավելի հաճախ են սկսել փնտրել Կանադա տեղափոխվելու մասին տեղեկությունները:

«Mashable»-ի փոխանցմամբ՝ առաջինը դա նկատել է «Գուգլ»-ի տեղեկությունների խմբագիր Սայմոն Ռոջերսը:

«Սկզբում հետաքրքրությունը նման տեղեկության հանդեպ աճեց 350%-ով: Սակայն դա միայն սկիզբն էր: Որոշ ժամանակ անց այդ ցուցանիշն աճեց 1150%-ով, ինչից հետո նվազեց մինչև 500%», - հայտնել է Ռոջերսը:

Նշվում է, որ հայտերի մեծ մասը Մասաչուսեթս նահանգից է, որտեղ Թրամփը հավաքել է ձայների 49%–ը:

Հիշեցնենք, որ ավելի վաղ կանադական Քեյփ Բրեթոն կղզու զբոսաշրջային կայքում հայտարարություն է տեղադրվել, որում ասված է. «Բարև, ամերիկացինե՛ր: Դոնալդ Թրամփը կարող է դառնալ ձեր երկրի հաջորդ նախագահը: Եվ եթե դա տեղի ունենա, ու դուք որոշեք տեղափոխվել այնտեղից, ապա կարո՞ղ եմ առաջարկել տեղափոխում Քեյփ Բրեթոն կղզի»:

7or.am