Լոնդոնի քաղաքապետ Բորիս Ջոնսոնը Մեծ Բրիտանիայի՝ Եվրամիությունից դուրս գալը համեմատել է բանտից ազատվելու հետ։ Այդ մասին ԵՄ–ն լքելու ջատագովը հայտնել է BBC–ի հետ հարցազրույցում.

«Ասես կալանավորը բաց թողնի բանտի դուռը, և մարդիկ սահմանագծից այնկողմ լույսով ողողված երկիր տեսնեն»,–ասել է քաղաքապետը՝ հավելելով, որ բրիտանական բիզնեսն այդկերպ կթոթափի ծանր բեռը։

Ավելի վաղ էլ եվրասկեպտիկների մեկ այլ առաջնորդ, Մեծ Բրիտանիայի արդարադատության նախարար Մայքլ Գոուվը հայտարարել էր, որ Եվրոպան ահաբեկչություն ու ֆաշիզմ է հրահրում։ Նա նաև մեղադրել էր ԵՄ ղեկավարությանը թագավորության՝ ահաբեկչության դեմ պայքարին ուղղված նախաձեռնություններն արգելափակելու մեջ։

Բրիտանիայի՝ ԵՄ կազմից դուրս գալու հարցով հանրաքվեն նշանակված է 2016թ. հունիսի 23–ին։ ТАСС–ի փոխանցմամբ՝ վերջին սոցհարցումների արդյունքներով՝ ներկայումս այն լքելու կողմնակիցները կեսից ավելին են։

7or.am