Սիրիայի բանակի գրոհող ստորաբաժանումները ներխուժել են Փալմիրայի արևմտյան թաղամասեր, որոնք գրավված են ԻԼԻՊ–ի զինյալների կողմից։ Կառավարական զորքերին հաջողվել է մի քանի օբյեկտ գրավել, այդ թվում՝ զինյալների շտաբը, որը գտնվում էր ՆԳՆ շենքում։

Բացի այդ, սիրիական բանակը վերահսկողություն է հաստատել ահաբեկիչների բժշկական կենտրոնի նկատմամբ, որը տեղակայված էր քաղաքի պատմական մասում՝ շրջապատված հնագույն արտեֆակտներով։

Ավելի վաղ կառավարական զորքերը ահաբեկիչներից հետ էին խլել Փալմիրայի միջնաբերդը։ Հնագույն ամրոցը գտնվում է Ջաբել Քասյուն բլրի վրա, որն անցել է սիրիական բանակի վերահսկողության տակ։ Ռազմավարական նշանակության այդ բարձունքի գրավումը հնարավորություն է տալիս վերահսկել Փալմիրայի ողջ տարածքը՝ թե՛ անտիկ համալիրը և թե՛ բնակելի թաղամասերը։

Բացի այդ, կառավարական զորքերին է անցել նաև Ֆահր ադ–Դին ալ–Մաանի ամրոցը, որն ԻԼԻՊ–ի գլխավոր հենակետն էր քաղաքի մատույցներում։

7or.am