Լրահոս

20.05.2016 16:29


Ղարաբաղում զինվորին գլխատելու փաստը վկայում է ադրբեջանցի զինվորների դեգեներացիայի մասին. «The Hill»

Ղարաբաղում զինվորին գլխատելու փաստը վկայում է ադրբեջանցի զինվորների դեգեներացիայի մասին. «The Hill»

Լեռնային Ղարաբաղում զինվորի գլխատման եւ Թալիշ գյուղի բնակիչների ականջները կտրելու փաստը վկայում է ադրբեջանցի զինվորների դեգեներացիայի մասին, որը հասնում է մինչեւ լիակատար փչացածության։ Այս մասին, «news.am»–ի փոխանցմամբ, գրում է «The Hill»-ը։

Այդ կապակցությամբ հոդվածագիրը զարմանք է հայտնում, որ Դենիս Ջաֆֆն իր հոդվածում քննադատել էր սենատոր Մարկ Քիրքին այն բանի համար, որ նա ԱՄՆ-ին կոչ է արել Ադրբեջանին պատասխանատվության կանչել Լեռնային Ղարաբաղում ագրեսիայի համար։

«Դա, իհարկե, կզարմացներ նաեւ Քյարամ Սլոյանի ընտանիքի անդամներին, որոնք զինվորին թաղել էին առանց գլխի։ Եվ ահաբեկչության մասին խոսելն ավելի շուտ տեղին է Ալիեւի ռեժիմի համար, որը քնած մարդուն կացնահարած մարդասպանին հերոսացնում է եւ մեդալ է շնորհում Սլոյանին գլխատողին»,- գրում է հեղինակը եւ հիշեցնում, որ Ադրբեջանը ռազմական բյուջեի վրա ավելի շատ ծախսեր է կատարում, քան կազմում է Հայաստանի ամբողջ բյուջեն։

Հեղինակը մեջբերում է նաեւ Թոմաս դե Վաալին, որը «New York Times»-ում գրել էր. «Ադրբեջանը «հայկական ագրեսիայի» մասին զեկույցների վրա տարիներ է ծախսել եւ երբեք ոչ մի քայլ չի ձեռնարկել Լեռնային Ղարաբաղի հայերին վստահության երաշխիքներ առաջարկելու համար, որպեսզի վստահեցնի, որ իրենք չեն ուզում ոչնչացնել հայերին»։

Մանրամասն՝ «news.am»–ում

Այս խորագրի վերջին նյութերը