Ոստիկանությունից հայտնում են, որ Կոտայքի բաժնի ծառայողների բացատրական աշխատանքի շնորհիվ՝ բաժին է ներկայացել 1989 թ. ծնված Վահագն Ղ.-ն, իսկ ժամեր անց հայտնաբերվել և բերման են ենթարկվել 1994 թ. ծնված Մհեր Ո.-ն և 1993 թ. ծնված Էդգար Ա.-ն:

Նրանք տվել են խոստովանական բացատրություններ, որ մայիսի 19-ին, ժամը 1-ի սահմաններում, Կոտայքի մարզի Ջրաբեր գյուղի 1-ին փողոցի տներից մեկի հետնամասում գտնվող շինությունից կատարել են էլեկտրական շարժիչի գողություն:
Ձեռնարկված միջոցառումներով պարզվել է, որ շարժիչը պատկանում է 1961 թ. ծնված Գևորգ Հ.-ին, ով հրավիրվել է բաժին և հայտնել, որ իրեն պատճառվել է մոտ 300.000 դրամի վնաս:
Վահագն Ղ.-ն ներկայացրել է գողացված էլեկտրական շարժիչը:
Կատարվում է քննություն: