Ելույթ ունենալով կանանց իրավունքներին նվիրված ֆորումում՝ ԱՄՆ նախագահ Բարաք Օբաման ողջունել է Հիլարի Քլինթոնին՝ իբրև ԱՄՆ նախագահի առաջին կին թեկնածու։

ԱՄՆ առաջնորդը հավելել է, որ ինքն էլ կանանց իրավունքների պաշտպանության թունդ հետևորդներից է։

«Ես, հավանաբար, զգալիորեն ծերացել եմ այս 8 տարվա ընթացքում, բայց այսպիսի տեսք ունի ժամանակից ֆեմինիստը»,–նկատել է Օբաման։

Օբաման նաև ասել է, որ նոր սերունդն ավելի առաջադեմ հայացքներ ունի գենդերային խնդիրների վերաբերյալ, քան նախորդը։

«Իմ աղջիկները տարօրինակ են համարում, որ ԱՄՆ–ում չի եղել կին նախագահ»,– նշել է ամերիկացի առաջնորդը։

Հիշեցնենք՝ նախորդ շաբաթ Օբաման պաշտոնապես աջակցեց ԱՄՆ նախագահի դեմոկրատ թեկնածու Հիլարի Քլինթոնին։

7or.am