Համացանցում մեծ տարածում է գտել այն լուսանկարը, որն իր թվիթթերյան էջում հրապարակել է բրիտանացի Բեն Ջոնը։ Այս մասին հայտնում է «Lenta.ru»–ն։

Լուսանկարում պատկերված է 85–ամյա տատիկի համակարգչի էկրանը, ով «Google»–ում որոնման հարցում կատարելիս միշտ ավելացնում է «խնդրում եմ» և «շնորհակալություն» բառերը։

Օրինակ՝ տատիկը խնդրել է «Google»–ին թարգմանել հռոմեական թվերը արաբերեն։

«Խնդրում եմ՝ թարգմանեք այս հռոմեական թվերը՝ MCMXCVIII . շնորհակալություն»,–գրել է նա որոնման տողում։

Տարեց բրիտանուհու քաղաքավարությունը հուզել է համացանցի օգտատերերին, իսկ նրա հարցումներով լուսանկարը արդեն 10 հազարից ավելի «like» է հավաքել։

7or.am