42–ամյա բրիտանացի Նիլ Դելերը, ում համակարգչում 3,5 հազարից ավելի մերկ երեխաների լուսանկարներ են հայտնաբերել, շարունակելու է երաժշտություն դասավանդել աշակերտներին։ Այս միտքը պնդել են վերջիններիս ծնողները։ Նրանք Դելերին լավ ուսուցիչ են համարում և նրա տարօրինակ հակումների մեջ ոչ մի վտանգ չեն տեսնում երեխաների համար։ Էսսեքս կոմսության դատավորը հավանություն է տվել մեծահասակների որոշմանը։ Այս մասին հաղորդում է « Mirror»–ը։

Այն բանից հետո, երբ Դելերին մեղադրել են մանկական պոռնո ներբեռնելու և պահպանելու մեջ, թվում էր, թե վերջինիս կարիերան հակված է կործանման, սակայն ճակատագիրն այլ կերպ է դասավորվել։ Հազարավոր ծնողներ խնդրագիր են ստորագրել՝ պահանջելով երաժշտության ուսուցչին աշխատանքից չհեռացնել։ Դելերը դասավանդել է մի քանի մասնավոր դպրոցներում և շատ լավ հեղինակություն է ունեցել աշակերտների ու գործընկերների շրջանակներում։

Դատավոր Քրիսթոֆեր Բոլը, ուսումնասիրելով Դելերի գործը, անցել է նրա կողմը։ Իշխանության ներկայացուցչի խոսքերով՝ ուսուցչին երբեք չեն մեղադրել երեխաների հանդեպ սեռական ոտնձգությունների մեջ, ինչն էլ նշանակում է, որ նրան ձերբակալելու և աշխատանքից ազատելու որևէ հիմք չկա։

Իշխանությունները մանկական պոռնոյի սիրահարին թույլ են տվել շարունակել ուսուցչական գործունեությունը, սակայն դատապարտել են նրան 120–ժամյա հասարակական աշխատանքի և 5 տարի «ինտերնետ տրաֆիկի» վերահսկման։ Բացի այդ, 3 տարվա ընթացքում Դելերը պարբերաբար պետք է ներկայանա իրեն կցված դիտորդին և 1000 ԱՄՆ դոլար տուգանք վճարի։

7or.am