Հունիսի 16-ին, ժամը 21.14-ին ԱԻՆ–ում ահազանգ է ստացվել, որ Վայոց ձորի մարզի Սարավան գյուղի վերջնամասում տեղի է ունեցել քարաթափում՝ ճանապարհը դարձնելով միակողմանի երթևեկելի. անհրաժեշտ է փրկարարների օգնությունը:

Դեպքի վայր է մեկնել Վայքի հրշեջ-փրկարարական ջոկատի օպերատիվ խումբը:

Տեղազննման արդյունքում Մ-2 ավտոճանապարհի Երևան-Մեղրի հատվածի 157-րդ կմ-ին՝ ճամփեզրին, հայտնաբերվել է 2 քար. ավտոճանապարհը երկկողմանի երթևեկելի է: