«Կամխուտ» եւ Ալագյազ» զորավարժարաններում հուլիսի 1-ին ավարտվել Է Հայաստանի ռուսական ռազմակայանի ստորաբաժանումների դաշտային ելանցը, որին մասնակցել են մինչեւ 1,5 հազ զինծառայող եւ շուրջ 500 միավոր ռազմատեխինկա:

ՌԴ Հարավային ռազմական օկրուգի մամուլի ծառայությունից հայտնել են, որ ռազմակայանի հրամանատար, գեներալ-մայոր Վլադիմիր Ուստինովի ղեկավարությամբ դաշտային ելանցի ընթացքում մոտոհրաձգային, տանկային, հրետանային եւ հատուկ ստորաբաժանումները կատարել են պաշտպանության եւ հարձակման ժամանակ երկկողմ մարտավարական մարտի վարժություններ՝ «Նավոդչիկ-2» եւ «Օռլան-10» անօդաչու թռչող սարքերի եւ դիտարկման արդի համալիրների կիրառմամբ:

Հաղորդագրությունում ասվում է, որ զինծառայողները ցերեկային ու գիշերային ժամերին բարձրլեռնային «Էքստրեմալ» պայմաններում նաեւ կատարել են կրակային, մարտավարական, ռազմաբժշկական եւ հատուկ տեսակների պատրաստությունների, մարտական մեքենաների վարման վարժություններ։

7or.am