Ինչպես ավելի վաղ հայտնել էինք, «Բարսելոնայի» հարձակվող, Արգենտինայի հավաքականի խաղացող Լիոնել Մեսսին, որին շատերն աշխարհի լավագույն ֆուտբոլիստ են համարում, հոր հետ դատապարտվել է 21–ամսյա կալանքի հարկերից վճարումից խուսափելու համար։ Բացի այդ, նրանց պարտավորեցրել են խոշոր տուգանքներ մուծել՝ 2 և 1.5 մլն եվրո համապատասխանաբար։

«Россия 24»–ի փոխանցմամբ՝ գործը տուգանքից այն կողմ չի անցնի. Մեսսիին հաստատ բանտ չեն նստեցնի. իսպանական օրենսդրությամբ՝ 2 տարուց քիչ ժամկետով կալանքը կարող է փոխարինվել պայմանական ազատազրկմամբ. Մեսսիի փաստաբաններն արդեն հայտարարել են, որ բողոքարկելու են դատավճիռը։

ՏԱՍՍ–ն էլ, «The Sun»–ին հղումով, փոխանցում է, որ Մեսսի հայրը՝ Խորխե Օրասիոն, հանդիպում է ունեցել ռուս գործարար, «Չելսիի» սեփականատեր Ռոման Աբրամովիչի հետ։ Հանդիպումը կայացել է Աբրամովիչի անձնական նավում. զրուցակիցները քննարկել են արգենտինացի առաջատարի հետագա ճակատագիրը և հնարավոր հեռացումը «Բարսելոնայից»՝ հարկերի հետ կապված խնդրի պատճառով։

7or.am