Իսպանական Փամփլոնա քաղաքում տեղի ունեցող ավանդական ցլավազքի ընթացքում 4 մարդ է տուժել։ Սակայն այս անգամ վտանգավոր «Սան–Ֆերմին» փառատոնը ընթացել է առանց լուրջ զոհերի։ «The Telegraph»–ի փոխանցմամբ՝ կենդանիները ոչ ոքի չեն պոզահարել։

Հրապարակված տեսանյութում երևում են տպավորիչ ցլավազքի կադրերը, որի հետևանքով 3 հոգի ստացել է գլխի վնասվածքներ, իսկ մեկը վնասել է ձեռքը։

Ցլավազքը տևել է 2 րոպե 28 վայրկյան։ Մարաթոնի վերջում 4 ցուլ մխրճվել է սպրինտերների խմբի մեջ։

Աղբյուրը հիշեցնում է՝ Իսպանիայում կայացած նախորդ տարվա ցլավազքն ավելի արյունալի էր։ Ցլերը պոզահարել են 4 հոգու, որոնցից մեկին անգամ վիրահատել են։

7or.am