Տեխասի դատարաններից մեկի անվտանգության տեսախցիկները տեսագրել են մի անսովոր միջադեպ։ Բանտարկյալների մի խումբ դուրս է թռել բանտախցից բանտապահի կյանքը փրկելու նպատակով։ Այս մասին հայտնում է «NBC News»–ը։

Բանտապահը, ով հսկում էր մինչդատական կալանքի տակ գտնվողների բանտախցի կարգուկանոնը, անսպասելիորեն կորցրել է գիտակցությունը։

Այն բանից հետո, երբ բանտարկյալների բղավոցներին ոչ ոք չի արձագանքել, նրանք դուրս են թռել բանտախցից և փորձել օգնություն կանչել՝ օգտվելով բանտապահի ռացիայից։ Աղմուկը և ռադիոհաղորդագրությունները գրավել են դատարանի աշխատակիցների ուշադրությունը, ովքեր էլ և կանչել են բժիշկներին։

Ժամանած բժիշկները վերակենդանացրել են բանտապահին։ Այժմ նա ապաքինվում է և մոտ ժամանակներս վերադառնալու է իր աշխատանքին։

7or.am