Թուրքիայում ռազմական հեղաշրջման փորձի հետևանքով 90 մարդ է զոհվել, 1154–ը՝ վիրավորվել, 1563 անձ էլ՝ ձերբակալվել։ Այս մասին հայտնում է տեղական ԶԼՄ–ն։

Թուրքիայի Գլխավոր շտաբի պետի պաշտոնակատար Ումիթ Դունդարը հայտարարել է, որ ռազմական հեղաշրջման ճնշման արդյունքում 104 խռովարար է սպանվել։

Ձերբակալվածների թվում բարձրաստիճան զինվորականներ կան: Նաև տեղեկություններ կան զինվորականների շրջանում պաշտոնանկությունների մասին:

«Anadolu» գործակալությունն էլ փոխանցում է, որ հայտնի է դարձել Թուրքիայում ռազմական հեղաշրջման փորձի կազմակերպչի անունը. նա գնդապետ Մուհարեմ Քոսեն է:

Նա Թուրքիայի զինված ուժերի գլխավոր շտաբի իրավաբանական խորհրդատուն է եղել, ով վերջերս հեռացվել էր այդ պաշտոնից:

Հեղաշրջման փորձի մասնակիցներից են նաև գնդապետ Մեհմեդ Օղուզ Աքուսը, մայոր Էրքան Աղին և փոխգնդապետ Դողան Ույսալը:

7or.am