Օգոստոսի 18-ին՝ ժամը 13.39-ին, տեղեկություն է ստացվել, որ Շիրակի մարզի Գյումրի քաղաքի Հաղթանակի պողոտայում՝ Կանգառ խանութի դիմաց, տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «ՀՈՆԴԱ» մակնիշի 34 RM 864 պետհամարանիշով (վարորդ Ս. Դ.) ավտոմեքենան Հաղթանակի պողոտա թիվ 63 շենքի դիմաց վրաերթի է ենթարկել Զ. Ա.-ին (ծնվ. 1949թ):

Մինչ հրշեջ-փրկարարների կանչի վայր հասնելը՝ տուժածը տեղափոխվել է Գյումրի ԲԿ, որտեղ բժիշկները տուժածի վիճակը գնահատել են միջին ծանրության: