Լոս Անջելեսի Վուդլենդ Հիլս թաղամասում հրազենային վնասվածքներից մահացել է 37-ամյա հայ Հովիկ Կրբոյանը։ Այս մասին հայտնում է «Los Angeles Times»-ը։

Պարբերականը նշում է, որ տղամարդու ուղղությամբ արձակվել է մի քանի կրակոց, երբ վերջինս բացել է իր տան դուռը: Նա տանը եղել է կնոջ ու դստեր հետ, իսկ դուռը բացել է առաքած պիցցան ստանալու նպատակով։

Կատարվածի հետևանքով նրա կինն ու երեխան չեն տուժել:

Լոս Անջելեսի ոստիկանական բաժանմունքի կապիտան Փոլ Վերնոնի հայտարարությունում նշվում է, որ սպանության դրդապատճառները դեռևս հայտնի չեն, սակայն նման դեպքերը հաճախ տեղի են ունենում բիզնեսին վերաբերող կամ ներընտանեկան վեճերի պատճառով։

7or.am