Թուրքիայում արգելափակված են «Facebook»–ը, «Whatsapp»-ը, «Twitter»-ը և «YouTube»-ը: «Հուրիեթի» փոխանցմամբ՝ սոցիալական ցանցերն արգելափակվել են երկրում քրդամետ «Ժողովուրդների դեմոկրատիա» կուսակցության 11 պատգամավորի ձերբակալությունից հետո։

Ձերբակալվածների թվում են կուսակցության համանախագահներ Սելահաթթին Դեմիրթաշը և Ֆիգեն Յուքսեքդաղը։

Ինչպես հայտնել են Դիարբեքիրի հանրապետական գլխավոր դատախազությունից, ձերբակալվածների դեմ հետաքննություն է իրականացվում «զինված ահաբեկչական խմբավորման անդամ լինելու, հանցագործություն կատարելուն դրդելու և ահաբեկչական խմբավորման քարոզչությունն իրականացնելու» մեղադրանքներով:

7or.am