ՌԴ նախագահ Վլադիմիր Պուտինն ԱՄՆ նախագահական ընտրություններին չէր հետևում հեռուստացույցի էկրանին կպած։ РИА «Новости»–ի փոխանցմամբ՝ նման հայտարարություն է արել ՌԴ նախագահի խոսնակ Դմիտրի Պեսկովը։

«Բնականաբար, նա չէր հետևում ընտրություններին հեռուստացույցին կպած. ամեն դեպքում, նա շատ գործ ունի. նա Ռուսաստանի նախագահն է», –նշել է նա։

Պեսկովի խոսքով՝ Պուտինին զեկուցել են ընտրությունների արդյունքների մասին, երբ ամեն ինչ հստակ է եղել։

Ավելի վաղ էլ Պեսկովը հայտարարել էր, որ Պուտինը Թրամփի հետ հանդիպում չի ծրագրում։

Կրեմլի ներկայացուցիչը նաև աբսուրդ է անվանել այն ենթադրությունը, որ Ռուսաստանը ներգործել է ԱՄՆ նախագահական ընտրությունների վրա։

«Ես կոչ եմ անում ձեզ հիշել նախագահ Պուտինի խոսքերը։ Նա նշել էր, որ աբսուրդ կլիներ ենթադրել, թե աշխարհում որևէ երկիր, այդ թվում՝ Ռուսաստանը, կարող է ներգործել ԱՄՆ նախագահական ընտրարշավի վրա»։

7or.am